Peyğəmbərimizin şeytanı tutması haqda olan hədisi izah edə bilərsinizmi?

    24.04.2014
Sual: 
Salam aleykum. Rəvayət edilir ki, bir dəfə Peyğəmbər (sallallahu aleyhi və səlləm) "Dünən cinlər­dən çox qüvvətli birisi namazımı yarımçıq kəsmək üçün yanıma gəldi. Lakin Allah mənə onu tut­mağa yardım etdi. Əvvəlcə mən istədim onu məscidin dirəklə­rin­dən birinə bağ­layım ki, səhər açıldıqda hamınız ona baxa biləsiniz, ancaq qar­daşım Suley­manın dediyini xatırladım. O demişdir: "Ey Rəbbim! Məni ba­ğış­la və mənə elə bir səltənət ver ki, mən­dən sonra heç kimə nəsib olmasınn". (Sad, 35), (Buxari, 461). Esselamu aleykum. Xahiş edirəm bu hədisi mənə başa salasınız. Resulullah( sallallahu aleyhi ve sellem) cini necə tuta bilərdiki? Axı şeytan bizə ancaq vəsvəsə verir. Onun varlığın resulullah necə hiss edib harada olduğun tuta bilərdi.birinci kimisə tutmaqçun gərək onu biləsənki hardadı görə biləsən. Resulullah sallallahu aleyhi ve sellem görürdümü ki cinlər? Və tutsaydı o resuldu Allahın izni ilə görə bilərdi. Lakin digər insanlara da göstərmək istəyib. Axı o biri insanlar necə görə bilərdi onu? Və o sallallahu aleyhi ve sellem Suleyman peygemberin eleyhisselemin sozun xatirlayib. Anlamadım ki axı Suleyman peygemberin o sözu neye gore resulullahın sallallahu aleyhi ve sellemi fikrinden daşındırıbki? Fikrimi tam çatdıra bilmədim haqqınızı halal edin. Mütləq məntiqli açıqlaması vardır. Sadəcə insan beynidi hər şeyi dərk edə bilmir ilk görünüşdən. Allah elminizə bərəkət versin. Amin!
Cavab: 

Aleykum salam. İnsanların, xüsusilə də peyğəmbərlərin cinləri görmələri mümkündür. Buna həm Quran ayələri, həm də səhih hədislər və rəvayətlər dəlalət edir. Uca Allah Quranın "ən-Nəml" surəsində Suleyman peyğəmbər haqqında danışır. Süleyman peyğəmbər (Allahın salamı olsun) Uca Allahdan özündən sonra heç bir kəsə verilməyəcək hakimiyyət istəyir. Uca Allah onun duasını qəbul edib ona quşlardan, cinlərdən və insanlardan ibarət güclü ordu bəxş edir. Həmçinin, digər fövqəladə və misli görünməyən nemətlər bəxş edir. Peyğəmbərimizin (salləllahu aleyhi və səlləm) cini tutması isə hədisdə deyildiyi kimi Uca Allahın yardımı ilə mümkün olmuşdur. Peyğəmbərimiz (salləllahu aleyhi və səlləm) Süleyman peyğəmbərin (aleyhis-sələm) həmin duasını xatırlayıb cini buraxır. Çünki Peyğəmbər (Allahın ona və ailəsinə salavatı və salamı olsun) Quranı ən gözəl bilən və ən gözəl şəkildə ona əməl edən şəxs olmuşdur. Yəni, Peyğəmbər (Ona və ailəsinə Allahın salavatı və salamı olsun) onun bu müstəcəb duasına qarşı çıxmaq istəməmişdir. Bu isə onun Rəbbinə olan gözəl əxlaqından irəli gəlirdi. Rəvayət edilir ki, Aişədən (Allah ondan razı olsun) onun əxlaqı haqqında soruşduqda, o demişdir: "Onun əxlaqı Quran idi".  

Paylaş: