Dilənçi yalan danışarsa, sədəqə verən savab qazanırmı?

    20.07.2022
Kimdən: 
Anonim
Sual: 
Əssalamu aleykum və rəhmətullah və bərəkətuh.Qardaş sizdən məni çox narahat edən bir məsələ haqqında soruşacam.Qardaş küçələrdə çoxlu dilənənlər var.Onlardan bəzisi sadəcə əlini açır amma heç nə demir.AMma bəziləri ağlayaraq ALlahın adı ilə nəzir verin, yaxud balam xəstədir kömək edin deyirlər.İçlərində bəziləri küçədə nəsə satır və ehtiyacım var qurban olum kömək edin , satdığım maldan alın deyirlər.Mənim özümüm ürəyi dözmür alıram.Məsələn salfetka satanından salfetka,gül satanından gül alıram.Amma içimdən bəzən narahtçılıq da keçirirəm.Çünki bu adamların həqiqətən ehtiyacı olduqlarını bilmirəm.Həm də bir deyil iki deyil xüsusilə mən metrolar tərəfdə çox oluram(tələbəyəm) oralarda çox olur
Cavab: 

Va aleykum Salam və Rahmətullahi və Bərakətuhu. Bizim üzərimizə düşən yalnız insanları zahirinə görə qiymətləndirməkdir. Qəlblərində olanları və onların həqiqi halını isə Uca Allah bilir. Sizdən Allah üçün istəyənə Uca Allahın: "Səndən kömək diləyəni qovma!" (əd-Duha, 10) ayəsinə əməl edərək az da olsa sədəqə verin. Əgər siz sədəqəni Allah üçün, Onun rizasını qazanmaq üçün verirsinizsə, sədəqə alan şəxs yalan danışmış olsa belə, bu sədəqəni Allah qəbul edir və siz buna görə savab qazanırsınız. Uca Allah buyurur: "Xərclədiyiniz hər bir sədəqə özünüz üçündür. Siz onu ancaq Allahın Üzünü dilədiyinizə görə sərf edirsiniz. Malınızdan Allah yolunda nə xərcləsəniz, əvəzi sizə tam verilər və sizə zülm edilməz" (əl-Bəqərə, 272). İbn Kəsir bu ayənin təfsirində demişdir: "Əta əl-Xorasani (Allah ona rəhmət etsin) demişdir: “Ayədə nəzərdə tutulan budur: “Əgər sən malını Allahın Üzünü diləyərək verirsənsə, verdiyin adamın əməlindən sən cavabdeh deyilsən”. (İbn Əbu Hatim, 2860). Buradan çıxan nəticə budur ki, sədəqə verən adam Allahın Üzünü diləyərək sədəqə verərsə, onun mükafatını Allah verər. Verdiyi adamın itaətkar və ya günahkar olmasına, sədəqəyə layiq olub-olmamasına görə ona günah yazılmaz. O, niyyətinə görə savab qazanır. Ayənin sonu da məhz buna dəlalət edir: “Malınızdan Allah yolunda nə xərcləsəniz, əvəzi sizə tam verilər və sizə zülm edilməz”. Əbu Hureyra (Allah ondan razı olsun) rəvayət edir ki, Peyğəmbər (ona və ailəsinə Allahın salavatı və salamı olsun) demişdir: "Bir nəfər: “Mən müt­ləq sədəqə verəcəyəm”- dedi, sonra da (verəcəyi) sədəqəni götürüb (evdən) çıx­dı və (özü də bilmədən) onu bir oğruya verdi. Səhər açıldıqda insanlar: “Oğ­ru­ya sədəqə veril­mişdir”– deyə danışmağa başladılar. Bu adam: “Allahım, həmd Sənə məxsusdur! Mən yenə sədəqə verəcəyəm”- dedi, sonra verəcəyi sədəqəni  götürüb (evdən) çıxdı və (bilmədən) onu zinakar bir qadına verdi. Səhər açıl­dıq­da insanlar: “Bu gecə zinakar qadına sədəqə verilmişdir”- deyə danışmağa baş­ladılar. Adam: “Allahım, həmd Sənə məxsusdur! (Verdiyim sədəqə) zi­na­kar qadına çatdı. Mən yenə sədəqə verəcəyəm”- dedi, sonra sədə­qəni götürüb (ev­dən) çıxdı və (bilmədən) onu varlı bir adama verdi. Səhər açıldıqda insan­lar: “Varlıya sədəqə verilmişdir”- deyə danışmağa başladılar. Adam dedi: “Alla­hım, həmd Sənə məxsusdur! (Verdiyim sədəqələr) oğruya, zinakara və varlıya qis­mət oldu”. Bundan sonra bir nəfər onun yanına gəlib dedi: “Sənin sədəqən qəbul olundu. Zinakar qadına gəldikdə isə, ola bilsin ki, o, (ibrət alıb) zinakarlığına son qoy­sun. O ki qaldı varlı adama, ola bilsin ki, o, (bundan) ibrət alsın və Alla­hın ona verdiyi nemətlərdən (Onun yolunda) xərcləsin. Oğruya ver­di­yin sədəqəyə gəlincə, ola bilsin ki, o, (bundan ibrət alsın) və oğurluq etməkdən əl çəksin”. (əl-Buxari, 1332, 1421; Muslim, 1698, 2409). Həmçinin oxuyun:

Sədəqə haqqında
Sədəqə verməyə təşviq
Dilənçilərə pul vermək olarmı?

Teqlər: 
Paylaş: