Uşağa bez almaq kişinin üzərində vacibdirmi?
Sual:
As salamu aleikum. Menim yoldashim deyir ki, menim borcum deyil, seninde haqqin deyil pampers almaq uwaga. Deyirki qedim zamanlardaki kimi ag parcadan istifade et. Bu ne qeder dogrudur?
Cavab:
Va aleykum Salam. Uca Allah kişilərə qadınlarla gözəl rəftar etməyi və onları çətinliyə salmamağı buyurmuşdur. Uca Allah buyurur: "Onlara gözləmə müddətləri başa çatanadək imkanınız daxilində öz yaşadığınız yerdə qalmağa yer verin. Sıxışdırmaq məqsədilə onlara zərər yetirməyin" (ət-Taləq, 6). Həmçinin buyurur: "Allahın insanlardan birini digərindən üstün etdiyinə və öz mallarından xərclədiklərinə görə, kişilər qadınlar üzərində ixtiyar sahibidirlər" (ən-Nisa, 34). Uşaq bezi günümzdə uşaq üçün zəruri sayılan tələbatlardandır. Əgər kişinin maddi imkanı yol verirsə, kişi uşağı üçün bez almalıdır.