Rəcəb və Şaban aylarında günaşırı oruc tutmaq olarmı?

    03.01.2023
Kimdən: 
Abdullah
Sual: 
Salam Aleykum.her il yalnız Receb ve şaban aylarında 1 günden 1 oruc tuta bilərikmi?Davud aleyhsalamin orucunu.
Cavab: 

Va aleykum Salam. Davud peyğəmbərin orucu il boyu günaşırı tutulur. Peyğəm­bər (ona və ailəsinə Allahın salavatı və salamı olsun) demiş­dir: "Alla­hın ən çox xoşuna gələn namaz Davudun qıldığı namaz, ən çox xoşuna gə­lən oruc isə Davu­dun tutduğu orucdur. Davud gecənin yarısını yatar, sonra qal­xıb onun üçdə birini namaz qılar, sonra da yerdə qalan altıda birini yatardı. Oru­cu da günaşırı tutardı". (əl-Buxari, 1131; Muslim, 2731). Şaban ayına gəlincə, bu ayda Peyğəmbərimiz (ona və ailəsinə Allahın salavatı və salamı olsun) çox oruc tutub. Bu barədə ətraflı oxuyun:


Rəcəb ayına gəlincə, bu ay haram aylardan biridir və bu ayda oruc tutmağın xüsusi fəziləti barədə bir dəlil yoxdur. Lakin ümumi olaraq haram aylarda oruc tutmağın fəziləti barədə hədislər varid olmuşdur. Odur ki, haram ayda oruc tutmağın fəzilətinə nail olmaq niyyəti ilə Rəcəb ayında oruc tutmaq icazəlidir. Həmçinin oxuyun:

Rəcəb və Şaban aylarında nə etmək və Ramazana necə hazırlaşmaq lazımdır?

Peyğəmbərimizin oruc tutduğu günlər

Teqlər: 
Paylaş: