Kəbədəki "Qara daş" Cənnətdən nazil olubmu?
Və aleykum Salam və Rahmətullahi və Bərakətuhu. Qara daş barədə bir çox hədislər rəvayət edilmişdir. Bu hədislərdən bəzilərini qeyd edək:
1) Qara daş Cənnətdən yer üzünə endirilmişdir:
İbn Abbas (Allah ondan razı olsun) Peyğəmbərin (ona və ailəsinə Allahın salavatı və salamı olsun) belə dediyini rəvayət etmişdir: "Qara daş Cənnətdən enmişdir" (ət-Tirmizi, 877; ən-Nəsəi "Sunən", 2935).
2) Qara daş ilk endikdə süddən daha ağ idi. Adəm övladlarının günahları onu qaraltmışdır:
İbn Abbas (Allah ondan razı olsun) Peyğəmbərin (ona və ailəsinə Allahın salavatı və salamı olsun) belə dediyini rəvayət etmişdir: "Qara daş Cənnətdən endikdə süddən daha ağ idi, Adəm övladlarının günahları onu qaraltdı" (ət-Tirmizi, 877; Əhməd, 2792).
Mubərakfuri (Allah ona rəhmət etsin) bu hədisi şərh edərək demişdir: "Yəni, Adəm övladlarından günahkar olanların ona toxunması səbəbindən qaralmışdır". (Bax: Töhfətul-Əhvazi, 3/525).
3) Qara daş Qiyamət günü gələcək və ona haqqı ilə toxunanların lehinə şahidlik edəcək:
İbn Abbas (Allah ondan razı olsun) Peyğəmbərin (ona və ailəsinə Allahın salavatı və salamı olsun) belə dediyini rəvayət etmişdir: "Allaha and olsun ki, Allah Qiyamət günü Qara daşı gətirəcək. Onun görən iki gözü və danışan dili olacaq. O, ona haqqı ilə toxunanların lehinə şahidlik edəcək" (ət-Tirmizi, 961; İbn Məcə, 2944).
4) Qara daşa toxunmaq günahların silinməsinə səbəbdir:
İbn Ömər (Allah ondan razı olsun) Peyğəmbərin (ona və ailəsinə Allahın salavatı və salamı olsun) belə dediyini rəvayət etmişdir: "Qara daşa və Yəmən küncünə toxunmaq günahları silir" (ət-Tirmizi, 959; əl-Hakim, 1/664). Həmçinin oxuyun: