Qədərin hansı növləri var?
Və aleykum Salam va Rahmətullahi va Bərakətuhu. Uca Allah hər bir şeyi əzəldən müəyyən edib göylər və yer yaradılmazdan əlli min il öncə Lövhi-Məhfuzda yazmışdır. Hədislərdə rəvayət olunur ki, "Allah məxluqatın qədərini, göyləri və yeri yaratmasından əlli min il öncə yazmışdır". (Muslim). Həmçinin rəvayət edilir ki, uşaq ana bətnində dörd aylıq olanda Uca Allah bir mələk göndərir bu mələyə dörd şeyi əmr edir və mələk uşağın əməlini, əcəlini, ruzisini, bədbəxt və ya xoşbəxt olacağını yazır. Bu yazı qədərin ikinci dəfə yazılmasıdır və bu yazı Lövhi-Məhfuzda yazılana əsasən yazılır. Ümumiyyətlə qədərin yazılması üç növdür:
Birinci: Lövhi-Məhfuzda yazılması. Bu qədər göylərin və yerin yaradılmazdan əlli min il öncə yazılmışdır.
İkinci: Ömürlük qədər. İnsanın qədərinin ana bətnində olarkən yazılmasıdır.
Üçüncü: İllik qədər. Bu qədər ildə bir dəfə Qədr gecəsi yazılır. Həmçinin, o gecə bir illik qədər təqdir edilir.
Həmçinin oxuyun: