Təklif etdiyim layihədə sonradan icra olunarkən şəriətə zidd hallar ola bilərsə, bu layihələri təklif etməyimdə mənə günah varmı?

19.06.2026

Sual:

Mən layihələrin idarə olunması üzrə mütəxəssis kimi işləyirəm. Gələcəkdə təşkilata sosial faydalı layihələr və maarifləndirmə kampaniyaları təklif etmək istəyirəm. Bu layihələr ağacəkmə, ətraf mühitin qorunması, sağlamlıq maarifləndirilməsi, psixoloji dəstək, ictimai mədəniyyət və buna bənzər faydalı mövzularla bağlı ola bilər. Mən yalnız layihə ideyasını və təklifini vermək istəyirəm. Layihənin reklam materiallarının hazırlanması, video çəkilişləri, poster dizaynları, tədbirin formatı və digər icra üsulları mənim səlahiyyətimdə olmayacaq və bu qərarları başqa şəxslər verəcək. Lakin ehtimal edirəm ki, layihələri həyata keçirən şəxslər musiqi, insan şəkilləri və ya mənim şəri baxımdan düzgü

Cavab:

Əssələmu aleykum. Əgər təklif etdiyiniz layihələrin əsası xeyir, fayda və insanların mənafeyinə xidmət edən işlərdirsə, bunda bir qəbahət yoxdur və bu, yaxşı işlərdə əməkdaşlıq sayılır. Uca Allah buyurur: "...Yaxşılıq etməkdə və Allahdan qorxmaqda bir-birinizə yardım edin. Günah işlər görməkdə və düşmənçilikdə bir-birinizə köməkçi olmayın. Allahdan qorxun. Həqiqətən, Allah şiddətli cəza verəndir". (əl-Maidə, 2). Layihənin həyata keçirilməsi zamanı sonradan şəriətə zidd olan işlərin görülməsində siz məsuliyyət daşımırsınız. Lakin əgər əvvəlcədən bunu bilirsinizsə, siz onlara gözəl şəkildə nəsihət edə bilərsiniz. Bununla da siz artıq üzərinizə düşəni etmiş sayılırsınız. Sizin vəzifəniz xeyirli ideyanı təqdim etməkdirsə və sonradan edilən haram seçimlər sizin nəzarətinizdən və qərarınızdan kənardadırsa, həmin günahı daşımazsınız.

Teqlər:

ruzi

Paylaş: