Başqa mağazadan aldığım kitabı yalandan dəyişdirdim, tövbə etdim, amma haqqı qaytarmağa imkan vermədilər, nə etməliyəm?

    03.09.2026
Sual: 
Salam.Mən başqa mağazadan kitab aldım və dəyişmədilər.başqa mağazada onlardan aldıgımı yalandan söylədim və kitabı dəyişdim.lakin etdiyimə vaxtında peşman oldum dedim kitabı qaytarin yenisini alıram.vermədilər dedilər dəyişirik.indi is etdiyim bu hərəkətimə çox peşman olub xəcalət çəkirəm.belə hərəkət edən deyiləm.tövbə elədim və o civarda kasıb birinə sədəqə vermək istəyirəm.mənə məsləhət verə bilərsiz ki,sakitləşim?
Cavab: 

Və aleykum Salam. Əvvəla, etdiyiniz əməlin səhv olduğunu anlayıb peşman olmağınız və Allaha tövbə etməyiniz çox gözəl haldır. Lakin burada məsələ insan haqqı ilə əlaqəli olduğu üçün yalnız tövbə etmək kifayət etmir. Tövbə ilə yanaşı, həmin haqqı sahibinə qaytarmaq və ya sahibinin razılığını almaq lazımdır. Siz isə artıq vicdanən narahat olub kitabı qaytarmaq və pulunu ödəyərək yenisini almaq istəmisiniz, lakin mağaza bunu qəbul etməyib və “dəyişirik” deyib. Bu halda bacardığınız qədər haqqı düzəltməyə çalışmısınız. Əgər mağazanın üzərində sizə görə hər hansı maddi zərər və ya haqq qalıbsa və onu qaytarmaq mümkün olarsa, bunu qaytarmağa çalışın. Əgər qaytarmaq və haqq sahibinə çatmaq mümkün deyilsə, onun adından sədəqə vermək yaxşı bir çıxış yoludur. Allahdan bağışlanma diləyin və bir daha belə etməməyə qərar verin. Allah səmimi tövbənizi qəbul etsin və qəlbinizə rahatlıq versin. Həmçinin oxuyun:

Teqlər: 
tövbə
Paylaş: