Kişinin qadına "səni boşayıram" deməsi, daha sonra bunu etməməsi haqqında

    07.07.2014
Sual: 
Salam Aleykum..qadin kisiyle kebinle nisanlidi..aralarinda defelerle mubahise dusub,kisi ona bosamaq niyyetile deyil sadece kinayeli sozder deyib,sora qadin sorusanda and icib ki bosamaq niyyetinde soz dememisem..lakin sms.le yazanda deyib ki fso qerarimi verdim zeng ele seni bosayim,yeni zeng edennen sora orda deyib bosayacagdi.ama etmedi..bir defe de telde dedi ki isteyirsen talagini verim menimcun problem yoxdu..bir nece defe de deyib ki talagini vererem gedersen basimdan...yeni o kisinin fikrinde yalniz bsadim demekle bosama sayir yeni o bele fikirlesir,adi soznen qeti qerar hesab etmir..bir de ki deyirler bosama aciq sozle yeni bosadim ve ya talaq demekle bosamis sayilir,indi o kisi deyib ki isteyirsen talagini verim veya cumlelerede talaq sozunu isledibse bu da ona aiddi yeni cumledeki talagi bosamag niyyetiyle isletmese de bosanir?indi bu adamlarin nikahi yerindedi yoxsa kebini tezelemelidirler?xahis edirem ciddi sekilde etrafli yazin,cunki o adamlar zinaya duse biler evlennseler
Cavab: 

Aleykum salam. Talaqın (boşanma) deyiliş baxımından müxtəlif növləri var:

Birbaşa deyilən talaq: Deyilən söz talaqdan başqa məna bildirməsin, məsələn, "səni boşayıram" və ya "talaqını verirəm" tipli ifadələr. Bu halda ciddi və ya zarafatla deməsindən asılı olmayaraq talaq qüvvəyə minir. Əbu Hureyrə (Allah ondan razı olsun) Peyğəmbərin (salləllahu aleyhi və səlləm) belə dediyini rəvayət edir: "Üç şey vardır ki, onların ciddi şəkildə deyilməsi də ciddi, zarafatla deyilməsi də ciddi qəbul edilir: Nikah, talaq və talaqı geri qaytarmaq (rici talaq)". (İbn Məcəh; Əbu Dəvud; ət-Tirmizi).

Dolayı yolla deyilən talaq: Bu ifadə həm talaq mənası, həm də başqa məna daşıya bilər. Məsələn, "ailənin yanına get" ifadəsi kimi. Əgər bu ifadəni deyərkən niyyəti boşamaq idisə,  talaq sayılır, əks halda sayılmır. Aişə (Allah ondan razı olsun) deyir ki: "Bint əl-Cun Peyğəmbərin (salləllahu aleyhi və səlləm) yanına (onun arvadı olaraq) daxil edildi. Ona yaxınlaşdıqda qadın dedi: Səndən Allaha sığınıram. Peyğəmbər (salləllahu aleyhi və səlləm) ona dedi: Sən artıq çox əzəmətli bir şeyə sığındın, ailənin yanına get". (ən-Nəsəi).
Kə'b ibn Malik (Allah ondan razı olsun) özünün və iki nəfər yoldaşının təbuk döyüşünə getmədikləri üçün camaat tərəfindən baykot (həcr) edildiyi hadisənində deyir ki, Peyğəmbər (salləllahu aleyhi və səlləm) onun yanına adam göndərib dedi: "Arvadını tərk et. Kə'b soruşdu: onu boşayım, ya nə edim? O dedi: Arvadını tərk et və ona yaxınlaşma. Kə'b (radıyəllahu anhu) də öz arvadına: ailənin yanına get - deyərək əmr etdi". (əl-Buxari, Muslim; Əbu Dəvud; ən-Nəsəi).

Şərtdən asılı olaraq deyilən talaq: Məsələn, kişinin öz arvadına "filan yerə getsən, səni boşayacam" deməsi. Əgər bunu deyərkən kişinin məqsədi həqiqətən də boşamaq olubsa, talaq sayılır. Əgər məqsədi arvadını hansısa işdən çəkindirmək olubsa, bu halda talaq yox, and sayılır. Arvadı o işi görərsə, kişi andının kəffarəsini verməlidir.

Teqlər: 
ailə
Paylaş: