Filmə baxandan sonra yuxuda masturbasiya etdiyimi görmüşəm, bu günahdır?

    20.11.2014
Sual: 
Salam. Mən namaza hardasa artıq 2-3 aydır başlamışam. Və başladığım gündən bu yana nə şəhvani xəyal qurmuşam, nə də masturbasiya etmişəm. Şəhvətdən taundan, vəbadan qaçan kimi qaçıram. Səhər ertə bir qorxu filmi izlədim. Açıq səhnələr vardı və mən o səhnələri tez çevirib filmə elə baxırdım. Və əgər baxsaydım da belə beynim Allah haqqında o qədır yüklənib ki, bu məni həyəcana gətirən də deyildi. Amma deyəsən şüuraltı bu səhnələr mənim beynimə yeridi qaldı və bu gecə səhərə yaxın yuxuda masturbasiya etdiyimi gördüm. Üzr istəyirəm qurtarana yaxın yuxudan oyandım və gördüm ki üzərimdə şəhvət hissi var və ayaqlarımı bir az bir-birinə sıxmışam. Dərhal özümü yığışdırdım və şəhvət hissini də dərhal üzərimdən qovdum. Amma bu yuxu mənim depressiyaya düşməyimə səbəb oldu. Görəsən indi mən həqiqətən masturbasiya etmiş sayılırammı? Bu mənim ən son edəcəyim bir iş olardı. Axı mən namaz qılıram, axı mən Rəbbimə ibadət etmək üçün yaşayıram. Amma hal-hazırda belə bir yuxudan dolayı ölmək, yox olmaq istəyirəm. Özümü çox pis hiss edirəm.
Cavab: 

Aleykum salam. Bu cür filmlərə baxmaq zehni boş şeylərlə məşğul edir və insana günah qazandırır. Uca Allah buyurur: "Mömin kişilərə de ki, gözlərini haram edilmiş şeylərdən çevirsinlər, ayıb yerlərini (zinadan) qorusunlar. Bu onlar üçün daha yaxşıdır. Şübhəsiz ki, Allah onların nə etdiklərindən xəbərdardır! Mömin qadınlara de ki, gözlərini haram buyurulmuş şeylərdən çevirsinlər, ayıb yerlərini (zinadan) qorusunlar". (ən-Nur, 30-31).
Diqqət yetirsəniz, əvvəlcə gözləri qorumaq, daha sonra isə zinadan qorunmaq deyilir. Bunun hikməti odur ki, gözün harama baxması zinaya apara bilər. Bu filmlərə baxmaq əvəzinə Peyğəmbərin (salləllahu aleyhi və səlləm) və onun səhabələrinin həyatı haqqında dərslərə qulaq asmaq qat-qat maraqlı və faydalı olardı. Daha ətraflı:
Əxlaqsız fotolara və ya videolara baxmaq olarmı? 

Siz masturbasiya etmiş sayılmırsınız. Çünki Allah Rəsulu (salləllahu aleyhi və səlləm) demişdir: "Üç insandan qələm qaldırılmışdır (günahları yazılmır): Dəli ağıllanana qədər, yatan (yuxuda olan) oyanana (ayılana) qədər və uşaq həddi büluğa çatana qədər". (Hədis səhihdir. Səhihu-ll-Cəmi əs-Sağir: 3513. Əbu Dəvud: 12/ 78/ 4380).

Belə yuxular görməmək üçün oyaq vaxtı belə şeylərə baxmamaq, yatmazdan əvvəl isə zikrləri etmək lazımdır. Daha ətraflı: 
Pis yuxular şeytan işidirmi?
İnsan hansı hallarda cunub olmuş sayılır?

Paylaş: