"Bu dünya mömin zindanı, kafirin isə Cənnətidir" hədisini izah edə bilərsinizmi?

    02.02.2015
Kimdən: 
?
Sual: 
bele bir soz esitmisem bilmirem belkede hedisdi deyir "bu dunya mominler ucun zulmet kafirler ucun cennetdir" bu ne demekdir?
Cavab: 

Salam aleykum. Əbu Hureyradan (Allah ondan razı olsun) gələn rəvayətə görə Allah Rəsulu (sallallahu aleyhi və səlləm) buyurmuşdur: "Bu dünya həyatı möminin zindanı, kafirin isə Cənnətidir". (Muslim, 2956; Əhməd 8272; Tirmizi 2426; İbn Məcəh 4113).

Böyük islam alimi və Misirin ali hakimi olmuş İbn Həcər əl-Asqaləni (Allah ona rəhmət etsin) bir gün küçə ilə gedərkən qarşısına kasıb bir yəhudi çıxdı. Yəhudi ona "Dayan!" deyərək İbn Həcəri saxlatdı və dedi:
- Sən peyğəmbərinizin bu sözünü mənə necə izah edə bilərsən? "Bu dünya həyatı möminin zindanı, kafirin isə Cənnətidir!". Bax, mən kafirəm, lakin kasıbam. Sən isə möminsən, lakin var-dövlət içindəsən! 
İbn Həcər buyurdu:
- Əgər sən kafir kimi ölsən, Axirətdəki əzablarla müqayisədə bu dünyada Cənnət həyatı yaşayırsan. Mənə gəldikdə isə Uca Allah məni Cənnətə salsa, oradakı səadət və xoşbəxtçilikilə müqayisədə, bütün dünya nemətləri zindan kimi görünəcək.
Bu sözləri eşidən yəhudi şəhadət gətirərək, İslam dinini qəbul etdi! (İbn Həcərin "Xəyal və Həqiqət" kitabından)

Teqlər: 
Paylaş: