Qəbirlərin önündə bunları etmək haramdır
- Allah üçün qurban kəsmək: Peyğəmbər (S.A.V.) demişdir: «İslamda “Aqr” (kəsmək) yoxdur». Əbdürrəzzaq ibn Həmmam adlı alim hədisdəki “Aqr” sözünə aydınlıq gətirərək deyir: «Cahiliyyət dövründə qəbirin üzərində inək və ya qoyun kəsərdilər»[1].
- 6. Aşağıdakı hədisdə deyilənləri etmək:
Cabir (A.R.O.) deyir ki, «Peyğəmbər (S.A.V.) qəbiri hündür etməyi, qəbirin üzərində oturmağı, tikili tikməyi, qəbiri artırmağı və ya üzərinə yazmağı qadağan etmişdir»[2].
7. Qəbirə tərəf namaz qılmaq: Demək, Peyğəmbər (S.A.V.) demişdir: «Qəbirlərə tərəf namaz qılmayın...»[3].
8. Qəbirin yanında namaz qılmaq: Hətta qəbirə tərəf yönəlməsə də, orada namaz qılmaq qadağandır.
Demək, Əbu Səid əl-Xudri (A.R.O.) Peyğəmbərin (S.A.V.) belə dediyini rəvayət edir: «Qəbiristanlıq və hamamdan başqa, yer üzünün hər yanı namazgahdır»[4].
9. Qəbirlərin üzərində məscidlər tikmək: Aişə və Abdullah ibn Abbas (Allah onlardan razı olsun) deyirlər: Peyğəmbərin (S.A.V.) ölüm xəstəliyi gəldikdə əynindəki paltarını üzünə çəkdi. Sonra özünə gəldikdə paltarı çəkib üzünü açdı və elə vəziyyətdə dedi: «Allah kafirlərə lənət etsin. Onlar öz peyğəmbərlərinin qəbirlərini səcdəgah ediblər». Bununla Peyğəmbər (S.A.V.) öz ümmətini onların etdiklərindən çəkindirirdi.[5]
Aişə (A.R.O.) deyir ki, Peyğəmbər (S.A.V.) sonuncu xəstəliyində belə dedi: «Allah yahudi və xaçpərəstlərə lənət etsin. Onlar öz peyğəmbərlərinin qəbirlərini səcdəgah ediblər». Daha sonra Aişə (A.R.O.) sözünə davam edərək deyir: “Əgər bu qadağa olmasaydı, onun qəbiri hündür edilərdi. Belə ki, onun qəbirinin səcdəgah ediləcəyindən ehtiyat edilirdi”[6].
10. Bəlli vaxtlarda və müəyyən mövsümlərdə ibdaət və ya başqa məqsədlə qəbiri daimi ziyarətgaha çevirmək: Demək, Əbu Hureyrə (A.R.O.) Peyğəmbərin (S.A.V.) belə dediyini rəvayət edir: «Mənim qəbirimi daimi ziyarətgaha çevirməyin. Evlərinizi də qəbir etməyin. Harada olsanız mənə salavat deyin. Həqiqətən sizin salavatınız mənə yetişir»[7].
11. Qəbirə görə səfər etmək:
Əbu Hureyrə (A.R.O.) Peyğəmbərin (S.A.V.) belə dediyini rəvayət edir: «Üç məsciddən başqa heç bir yerə ziyarət səfəri etmək olmaz: Məscidül Həram, Peyğəmbərin (S.A.V.) məscidi və əl-Əqsa məscidi»[8].
12. Qəbirlərin üzərində çıraq yandırmaq: Belə ki, bu bir bidətdir və saleh sələflərimiz belə bir əməl etməzdilər. Peyğəmbər (S.A.V.) demişdir: «Hər bidət zəlalətdir. Hər zəlalətin sonu isə oddur»[9]. Həmçinin belə səfərlər, mal-dövləti boş-boşuna xərcləməkdir. Bu isə açıq-aşkar şəkildə qadağan edilmişdir. Belə ki, Peyğəmbər (S.A.V.) demişdir: «Allah sizə üç şeyi: dedi-qodu etməyi, malı israf etməyi və çoxlu sual verməyi – qadağan etmişdir»[10].
13. Meyitin sümüklərini sındırmaq: Peyğəmbər (S.A.V.) demişdir: «Mömin ölü ikən onun sümüyünü sındırmaq, diri ikən sındırmağa bərabərdir»[11].