Xahiş edirəm ki, qohumlarımla barışmağın yolunu göstərin

Salam aleykum. Qohumluq əlaqələrini kəsmək haramlardan sayılır. Uca Allah buyurur: "(Adı ilə) bir-birinizdən (cürbəcür şeylər) istədiyiniz Allah­dan, həmçinin qohumluq əlaqələrini kəsməkdən qorxun. Şübhəsiz ki, Allah sizin üzərinizdə nəzarətçidir". (ən-Nisa, 1). Peyğəmbər (Allahın ona və ailəsinə salavatı və salamı olsun) belə buyurmuşdur: "Qohumluq əlaqələrini möhkəmlətmək malı çoxaldır, ailədə mehribanlıq yaradır və ömrü uzadır". (ət-Tabərani "Mu'cəmul-Əvsat" əsəri, 7810). Bir kişi Peyğəmbərin (Ona və ailəsinə Allahın salavatı və salamı olsun) yanına gəlib dedi: "Ey Allahın Elçisi! Mənim qohumlarım var. Mən onlarla əlaqələri birləşdirir, onlar isə mənimlə əlaqələri kəsirlər, mən onlara yaxşılıq edir, onlar isə mənə pislik edirlər, mən onlarla mülayim danışır, onlar isə mə­nim­lə kobud rəftar edirlər". O dedi: "Əgər sən deyən kimi­dirsə, onda elə bil ki, sən onlara isti kül yedizdirirsən. Bu cür rəftarın da­vam edənədək Allah tərəfindən onlara qarşı sənin yanında (onların əziy­yətlərini dəf edən) köməkçi olar". (əl-Buxari "Ədəbul-Mufrad" kitabı, 52). Ola bilər ki, sizin fikir vermədiyiniz bir söz və ya hərəkət münasibətlərin korlanmasına səbəb olub. Barışıq olsun deyə birinci addımı siz atın. Allah mehriban etsin! Həmçinin oxuyun: Qohumluq əlaqələrini kəsmək və ya küsülü qalmaq