Uşağa hansısa mələyin adını qoymaq olar?
Sual:
Salam aleykum. Uşağa hər handı bir mələyin adını qoymaq olar? Məsələn: Cəbrail və ya Mikail.
Rəfail də mələk adıdır?
Cavab:
Və aleykum Salam. Mələk adlarını uşaqlara qoymaq bəyənilmir. Bunun əvəzinə Peyğəmbər (Allahın ona və ailəsinə salavatı və salamı olsun) bizə hansı adların daha yaxşı olması barədə buyurur: "Özünüzə peyğəmbərlərin adlarını qoyun. Uca Allahın ən çox sevdiyi adlar Abdullah (Allahın qulu) və Abdur-Rahməndir (Rahmənin qulu). Adların ən doğrusu Haris (qoruyan, gözətçi) və Həmmamdır (çalışqan, fəal, yorulmaz, yorulmaq bilməyən). Ən pisi isə Hərb (müharibə) və Murradır (acı)". (Əbu Dəvud, 4950). Rafael adı cəmiyyətimizə xristian və yəhudilərdən keçib. Lakin, İslamda belə bir mələk haqda məlumat verilmir. Həmçinin oxuyun: Qız uşaqlarına Mələk adı qoymaq olarmı?