İnsanın keçmişdə buraxdığı səhvin tez-tez yada düşməsi nəyə işarədir?

Və aleykum Salam. Hər hansı bir fikrin və ya əməlin yada düşməsi nəyəsə işarə etməsi anlayışı demək deyil. Peyğəmbər (Ona və ailəsinə Allahın salavatı və salamı olsun) demişdir: "Dilinə gətirmədikcə və yaxud bununla əməl etmədikcə ümmətimin fikrindən keçənlərə görə Uca Allah onları hesaba çəkmir". (əl-Buxari; Muslim).
Səhvə görə isə ümumiyyətlə üç səbəbə görə günah yazılmır. Peyğəmbərimiz (salləllahu aleyhi və səlləm) demişdir: "Uca Allah mənim ümmətimə səhvən, unudaraq və məcburiyyət qarşısında edilənləri bağışlamışdır". (İbn Məcəh, 2043). Müəyyən bir əməlin günah olduğunu bildikdən sonra o əmələ tövbə etmək kifayətdir. Keçmişdə baş verən günahları şeytan yada salır ki, sizi məyus etsin, ümidsizliyə qapandırsın. Belə olan hallarda bu vəsvəsələrə fikir vermək lazım deyil.