"Qüdsi hədislər" və "Riyazus-Salihin" kitablarını oxumaq olar?
Salam aleykum. Hədisi Qüdsi - yəni qüdsi hədislər deməkdir. Qüdsi hədisdə Allah Kəlamı olduğuna görə belə adlanır. Məsələn, Peyğəmbər (salləllahu aleyhi və səlləm) demişdir: “Allah bir qulunu sevdiyi zaman Cəbrailə: “Allah filankəsi sevir, sən də onu sev!”– deyə buyurur, Cəbrail də həmin adamı sevir. Sonra Cəbrail səma əhlinə xitab edib: “Allah filankəsi sevir, siz də onu sevin!”– deyir, səma əhli də onu sevir. Daha sonra yer üzərində olanların da ona rəğbət bəsləməyə başlayırlar.” (əl-Buxari, 3209).
"Riyazus-Salihin" görkəmli İslam alimi Yəhyə ibn Şərəf ən-Nəvəvinin (Allah ona rəhm etsin) yazdığı əsərdir. Burada 2000-dən çox hədis var. Bu hədislər bir çox mövzuları əhatə edir. Ona görə də bu kitabı bütün müsəlmanların oxuması məsləhətir.