Həm suda, həm də quruda yaşayan heyvanların əti yeyilə bilərmi?
Sual:
Assalam Akeykum qardas peyğəmbər (salləllahu aleyhi və səlləm) demişdir: "Dənizin suyu təmiz, ölüsü də halaldır". (İmam Malik: "Muvatta", "Təharət", 12; Əhməd, 2/237, 361, 378, 393; İbn Məcəh: "Təharət", 38; Əbu Dəvud: "Təharət", 41; ət-Tirmizi: "Təharət", 52).
Bu hedisde deyilir ki suda yasayan quruya cixmiyan heyvanlar halaldir bezi su heyvanlari var quruya cixir meselen su iti tisbağa kimi heyvanlar bunlarin hokmu nedir yani yeyilmeyde prablem var
Cavab:
Və aleykum Salam. Baxmayaraq ki, tısbağa və suiti həm suda, həm də quruda yaşayır, İslam alimlərinə görə onların ətinin yeyilməsi halaldır. Şəriətimizdə nəyin halal, nəyin haram olması barədə açıq-aydın təfsilatlı şəkildə xəbər verilib. Haram buyurulan qidalar arasında da tısbağanın və suitinin ətinin haram olması barədə heç bir qadağa bildirilməyib. Uca Allah buyurur: "Allah, – məcburiyyət qarşısında yeyəcəyiniz şeylər istisna olmaqla – haram buyurulanları təfərrüatı ilə sizə bildirdiyi halda, üstündə Onun adı çəkilənlərdən nə üçün yeməyəsiniz?...". (əl-Ənam, 119).
Lakin tısbağa həm suda həm də quruda yaşayan heyvan olduğu, habelə axar qana sahib olduğu və yumurtasını quruda qoyduğu üçün onu şəriətə uyğun qaydada kəsib yemək lazımdır. Həmçinin əksər İslam alimlərinin rəyinə əsasən suitini də yemək halaldır, ancaq onu da kəsmək lazımdır. Həmçinin oxuyun: