Namaz qılmadığım halda cadudan qorunmaq üçün dualar oxuya bilərəmmi?

Və aleykum Salam. Namaz qılmadığınız halda cadudan qorunmaq üçün zikr və dualar oxuya bilərsiniz. Lakin bilin ki, cadudan qorunmağın əsas yollarından biri də Uca Allaha ibadət edib Onun vacib buyurduqlarını əməl etmək və qadağalarından çəkinməkdir. Uca Allah buyurur: "İblis dedi: “Sənin qüd­rə­tinə and olsun ki, onların ha­mı­sını yol­dan çı­xa­racağam; Təkcə Sənin seçilmiş ix­laslı qul­larından başqa!”" (Sad, 82-83). Uca Allah bildirir ki, şeytandan qorunmağın yeganə yolu Allaha sığınmaq və Ondan yardım istəməkdir. Uca Allah buyurur: "Əgər şeytandan sənə bir vəs­və­sə gəlsə, Allaha sığın. Şüb­həsiz ki, O, hər şeyi eşidəndir, hər şeyi bilən­dir. Allahdan qorxanlara şey­tandan bir vəsvəsə toxun­duğu za­man Allahı xa­tırlayar və dər­hal gerçəyi görərlər." (əl-Əraf, 200-201). İnsan yalnız Allaha ibadət etməklə Ona tam sığınma bilər. Şeytan Allaha yaxın olan insanlara heç vaxt bata bilmir. Şeytan əsasən Allahdan uzaq düşən və Allaha asi olan qullara təsir edə bilir. Bu səbəbdən siz tez bir zamanda namaza başlamağı tövsiyə edirik. Çünki namaz qılmamaq özü bir günahdır və Allahın əmrinə qarşı çıxmaqdır. Ona görə də ilk növbədə namaza başlayın, eləcə də Allahın digər əmrlərini yerinə yetirin və qadağan etdiyi şeylərdən çəkinin. Hər bir fərz namazından sonra əl-İxlas, əl-Fələq, ən-Nas surələrini və Ayətul-Kursini oxuyun. Həmçinin, Allahı çox zikr edin, Quran oxuyun və evdə yüksək səslə oxudun, ruqya (Quranla müalicə) etdirin və digər şəriətin icazə verdiyi vasitələrdən istifadə edin. Daha ətraflı məlumat almaq üçün bu linkləri oxuyun: