Heyzli qadın məscidə gedə bilərmi?

Va aleykum Salam. Heyzli qadının, həmçinin boynunda cənabət qüslü olanın məscidə girməsi qadağandır. Peyğəmbərimiz (Allahın ona və ailəsinə salavatı və salamı olsun) heyzli qadınların bayram namazında iştirak etmələri barədə demişdir: "Qoy heyzli qadınlar namaz qılınan yerdən kənar dursunlar". (Səhih əl-Buxari, 324).
Həmçinin, boynunda cənabət qüslu olanlar haqda Uca Allah belə buyurur: "Cinsi əlaqədən sonra natəmiz olduğunuz halda, – yolüstü keçən istisna olmaqla – qüsl edənədək namaza yaxınlaşmayın". (ən-Nisa, 43).
İbn Kəsir bu ayənin təfsir edərkən belə demişdir: "Bu ayədə Uca Allah boynunda cənabət qüslu olanın məscidlərə yaxınlaşmasını qadağan edir. Yalnız oturmamaq şərti ilə bir qapıdan girib digərindən çıxan istisnadır". Həmçinin heyzli qadının hökmü də belədir. Həmçinin oxuyun:
Aşura gecəsi nə etmək lazımdır?
Əzadarlıq haqqında
Qadın heyz halında nələri edə bilməz?