Namaza başlayarkən təkbirin yerinə "Allahu azim" demək olarmı?

Va aleykum salam. Namaza başlayarkən "Allahu əkbər" demək namazın əsaslarından sayılır və onun əvəzinə başqa bir zikr demək olmaz. Peyğəmbər (salləllahu aleyhi və səlləm) demişdir: "Mən necə namaz qılıramsa, siz də elə qılın!" (əl-Buxari, 6857). 

Peyğəmbərin namazını vəsf edən səhabələrin hamısı onun namaza başlayarkən "Allahu Əkbər" dediyini bildirmişlər. Vail ibn Hucr (Allah ondan razı olsun) demişdir: “Mən qərara aldım ki, Allah Rəsulunun (sallallahu aleyhi və səlləm) namazı necə qılmağına baxacağam. Mən ona baxdım, o qalxdı və "Allahu Əkbər" deyərək təkbir gətirdi, əllərini qulaqlarının (səviyyəsinə) çatana qədər qaldırdı. Sonra o sağ əlini sol əlinin, biləyinin və qolunun üzərinə qoydu". (Əbu Davud, 726). Həmçinin oxuyun:

Namazın əvvəlində "Allahu əkbər" deməmək olarmı?

Peyğəmbərimiz necə namaz qılardı?