Bir qadına "zinakar" demişəm, ondan halallıq almadan tövbə etsəm Allah məni bağışlayarmı?

    09.06.2020
Kimdən: 
Bacı
Sual: 
As salam aleykum.Mən müsəlmanam, kafir olanın arxasınca danışmaq nə dərəcədə günahdı?birdə kafir olan qadının etdiyi açıq aşkar hərəkətlərdən dolayı zinakar. olduğunu demişəm.və buna görədə səmimi qəlbdən peşmanam.ama o kafir haqqını halal etməyəcəyini demişdir.tövbə etsəm allah məni bağışlarmı?O qadından halallıq istəməsəm belə?halallıq istəmək mümkün deyil.
Cavab: 

Aleykum salam. Dinimiz kafir olsa belə bir insanın arxasınca danışmağı və qeybət etməyi qadağan edir. Xüsusilə də, bir insanı zinada ittiham etmək böyük günahdır. Uca Allah buyurur: "İsmətli qadınları zinada günahlandırıb, sonra dörd şahid gətirməyən kəslərə səksən çubuq vurun və onların şahidliyini heç vaxt qəbul etməyin. Onlar əsl fasiqlərdir. Bundan sonra tövbə edib özlərini islah edənlərdən başqa. Şübhəsiz ki, Allah Bağışlayandır, Rəhmlidir". (ən-Nur, 4-5). Peyğəmbərimiz (Allahın ona və ailəsinə salavatı və salamı olsun) demişdir: "Həlakedici yeddi günahdan çəkinin!” Soruşdular: "Ya Rəsulullah, nədir onlar?" Pey­­ğəmbər (salləllahu aleyhi və səlləm) buyurdu: "Allaha şərik qoşmaq, cadugərlik etmək, Allahın ha­ram bu­yurduğu cana nahaq yerə qəsd etmək, sələm yemək, yetimin malını yemək, dö­yüş mey­danından qaçmaq və zinadan xəbəri olmayan namuslu, ismətli mö­min qadınları zina­da ittiham etmək". (Səhih əl-Buxari, 2766). Bu səbəbdən siz tövbə etməli və zinakar dediyiniz şəxsdən halallıq almalısınız. Həmçinin oxuyun:
Həlakedici günahlar
Başqasını zinada ittiham etmək (ƏL-QƏZF)
ən-Nur surəsi 6 - 10 - cu ayələr

Teqlər: 
böyük günahlar
Paylaş: