Allahdan kiminsə xatirinə nəsə istəmək olarmı? əl-Əraf surəsinin 134-cü ayəsi buna dəlalət edirmi?

Va aleykum Salam. Ümumiyyətlə dua edərkən kiminsə xatirinə Allahdan nə isə istəmək olmaz. Nə Peyğəmbərimiz, nə də onun səhabələri dua edərkən kiminsə xatirinə Allahdan bir şey istəməmişlər. Dediyiniz ayədə də buna heç bir dəlil yoxdur. əl-Əraf surəsinin 134-cü ayəsində Uca Allah buyurur: "Əzab onları bürü­dük­də dedilər: "Ey Musa! Bizim üçün Rəb­binə sənə verdiyi əhd ilə dua et! Əgər əzabı biz­dən so­vuşdur­san, biz hökmən sənə iman gəti­rəcək və İsrail oğul­larını müt­ləq sə­ninlə birlikdə göndərəcəyik". (əl-Əraf, 134). Bu ayədə Uca Allah Firondan və onun əyanlarından danışır. Əzab onları bürüdükdə, onlar Musadan Allaha dua etməsini istədilər. Bu ayə dəlildir ki, sağ olan əməlisaleh bir insandan Allaha dua etməsini istəmək icazəlidir. Necə ki, biz həcc ziyarətinə və ya ümrəyə gedən insana: "Bizim üçün dua et!" deyirik. Bu növ təvəssül icazəlidir. Daha ətraflı: