"Allahın Əli" dedikdə "qüvvət" nəzərdə tutulurmu?

    29.05.2026
Sual: 
Əssalamu aleykum.Siz deyirsiz ki Quranda Allahin əli ilə bagli ayələri Allahin əli kimi basa düşməliyik. Əşarilər,və Matrudilər soyleyirlerki Quranda Allahin əli kimi kecen ayeli Allahin qüdrəti kimi basa düşməliyik, Əlləri Allahin əli kimi qəbul etsek bir ayeye göre Allahin əlləri iki dənədən cox deyil basqa ayeye gore Allahin əlləri 2 dənədən coxdur. Əşarilər burada haqlidi Aciq askar. Siz Sələfilər surə 38 aye 75 de iki Əlimlə kecen kelmeni əl kimi qebul edib deyirsiz ki iki əli bir qüdrətə yozmag olmaz. Basqa Tərəfdən suŕə 51 ayə 47 Biz Əllərlə göyü bina etdik))) burada cəm səklində en azi 3 əl göstərilir siz Selefiler bu ayedeki əlləri Qüdrət menasinda qebul edirsiz.
Cavab: 

Və aleykum Salam. əz-Zəriyat surəsinin 47-ci ayəsində keçən بِأَيْدٍ "biəydin" sözü ərəb dilində أَيَّدَ "gücləndirmək, qüvvətləndirmək" mənasını verən "əyyədə" feilinin məsdəridir. أَيْدٌ "əydun" sözünün mənası "qüvvət, qüdrət" deməkdir. Necə ki eyni söz başqa bir ayədə "qüdrətli" mənasında keçir. Uca Allah buyurur: "Onların dediklərinə səbir et və qüdrətli qulumuz Davudu yadına sal!" (Sad, 17). Başqa bir ayədə أَيَّدَ "əyyədə" (gücləndirmək, qüvvətləndirmək) feili eyni mənada keçir: "...sizi Öz köməyi ilə qüvvətləndirdi..." (əl-Ənfal, 26). 

Uca Allahın Əli keçən ayələrdə isə يَدٌ "yəd" sözü keçir. "Əl" sözünün cəmi olan  الأَيْدِي "əl-əydi" sözü "qüvvət" mənasını verən أَيْدٌ "əydun" sözünə zahirən oxşasa da onların kökləri və mənaları təmamilə başqadır. Ola bilsin siz bu sözləri zahirən bir-birlərinə bənzətdiyiniz üçün elə başa düşmüsünüz ki əz-Zəriyat surəsinin 47-ci ayəsində də "əl" sözünün cəmi keçir. Həmçinin oxuyun:

"Allahın Əli on­ların əl­lə­ri­nin üstündə­dir" ayəsini necə başa düşək?

Teqlər: 
quran
şübhələr
Paylaş: