Heyz müddəti bitsə də, gələn maye kəsilmir. Hələ gözləməliyəm?

Salam. Mən artıq 8 gündür ki, heyzliyəm. Qan yoxdur, amma qəhvəyi rəngli maye də qurtarmır. Bayaq hamama girdim ki, qüsl edim, əmin olmaq üçün istibra etdim (yəni gücənmək yolu ilə) və yenə o açıq qəhvəyi rəngli bulanıq sudan gəldi. Təqlid etdiyim alim deyir ki; """Əgər qadın on gün tamam olmamış paklanıb içəridə qan olduğuna ehtimal verərsə, ya ibadətlərin ehtiyatən əncam verməli, ya istibra etməlidir. İstibra etmədən ibadətləri tərk etməsi icazəli deyil. İstibra bundan ibarətdir ki, fərcinə bir az pambıq daxil edib, bir müddət gözlədikdən sonra çıxarmalıdır (əlbəttə, qadınlar arasında adət sayılan heyz zamanı pak olduqları müxtəsər miqdardan çox gözləməlidir). Pambıq pakdırsa, qüsl etməli və ibadətlərini yerinə yetirməlidir. Əgər pak deyilsə, pambığa sarı rəngli su belə bulaşmış olsa, əgər heyz də adəti yoxdursa və ya adəti on gündürsə, ya da adət günləri hələ tamam olmamışdırsa, gözləməlidir. Əgər on gündən əvvəl paklanarsa qüsl etməlidir. Müddət on günə çatmış və ya qanı on gün həddini keçmişsə, onuncu günün tamamında qüsl etməlidir. Amma əgər adəti on gündən azdırsa, on gün tamamlanandan və ya onuncu günün başında paklanacağını bilirsə, qüsl etməməlidir.""" İndi mən hələ gözləməliyəm? Gecə qüsl etsəm və səhər o bulaşıqdan yenə gəlmiş olsa girib qüsl etdiyim üçün sübh namazına geciksəm günahdırmı? Əgər səhərə paklanmış olsam və hər ehtimala qarşı qüsl etməyib gözləmiş olsam və səhər yenə qüsl etməli olduğum üçün sübh namazına geciksəm bu da günahdır? Necə edim ki, yaxşı olsun? Bir də adət və heyz kəlimələrinin ikisi də eyni anlama gələn ifadə deyilmi?