Ərim peyğəmbərimiz kimi namaz qılmağıma mane olur, nə edim?

    27.11.2014
Sual: 
Salam aleykum.men aile qurmazdan evvel namaz qilirdim.aile qurandan sonra qilmadim..amma eqidemin duzgun olduguna urekden inaniram.5 ildir aileliyem.namaza bashlamaq isteyirem.amma yoldashim mene qarshi cixir.bele ki, mene mohurle namaz qilmagimi deyir.amma men peygemberimizin (s.a.s.) qildigi kimi...yeni ki, mohursuz ve eli bagli shekilde namaz qilmaq istediyimi bildirirem. mene VAHABI deyir..tek yoldashim yox..kim menim dushunduklerimi eshidir ( pirlere getmeyi gunah oldugunu, seyidlerden,imamlardan komek istemeyin gunah oldugunu,yasiin 3 gunden artiq olmaginin islama zidd oldugunu ve s.) mene deyirler vahabiler kimi dushunursen..bashqalarinin dediyi tesir elemir..amma yoldashimi fikrinden dondere bilmirem.ne edim ? hergun Allaha dua edirem ki, onu duzgun yola ceksin,qelbine hidayet versin. namazima bashlasam imkan vermeyecek qilim,evde dava-dalash olacaq deqiq bilirem.meni vuracaq buna gore de..ne ede bilerem sizce? onu fikrinden nece dondere bilrem InsheAllah?
Cavab: 

Aleykum salam. İslamda mütləq şəkildə tabeçilik yalnız Uca Allaha və Onun Rəsulundadır (salləlahu aleyhi və səlləm). Doğrudur, övladın valideynə, qadının ərinə və s. tabe olması da əmr edilmişdir. Amma Allaha asi olmaqda və günah işlərdə tabe olmaq olmaz. Peyğəmbər (salləllahu aleyhi və səlləm) demişdir: "Xaliqə (yaradana) asi olmaqda məxluqa (yaradılmışa) itaət etmək olmaz". Sadaladığınız şeylər şirk və bidətdir (dində yenilik, Peyğəmbərin - salləlahu aleyhi və səlləm - etmədiyi şeyləri etmək), bunlar da böyük günahlardandır. Amma hər bir halda ərinizlə gözəl davranmalı, onu öz əxlaqınızla dəvət etməyə çalışmalısınız. Huseyin ibn Mihsandan (Allah ondan razı olsun) rəvayət edilir ki, bibisi bəzi ehtiyaclar barədə soruşmaq üçün Peyğəmbərin (salləllahu aleyhi və səlləm) yanına getdi. Peyğəmbər (salləllahu aleyhi və səlləm) onunla söhbətini bitirdikdən sonra belə dedi: "Sənin ərin varmı?"O dedi: "Bəli". (Peyğəmbər) (salləlahu aleyhi və səlləm) dedi: "Onunla necə dolanırsan?" O dedi: "Onun haqlarını yerinə yetirməkdə əlimdən gələni edirəm, sadəcə bacarmadığım şeylər bundan istisnadır". O dedi: "Onunla davranışına fikir ver, çünki o sənin cənnətin və cəhənnəmindir". (İmam Əhməd). İnşallah namaza başlayın, çünki namazı heç bir halda dayandırmaq olmaz. Namazlarda bu barədə çoxlu dua edin və bilin ki, qəlblər Uca Allahın əlindədir. Allah kömək olsun! Həmçinin oxuyun:

Teqlər: 
ailə
namaz
Paylaş: