Heç kəsin verdiyi hədiyyəni geri götürməsi və ya alması halal deyil

İbn Abbas (A.R.O.) Peyğəmbərin (S.A.V.) belə dediyini rəvayət edir: «Pis xüsusiyyətlilərə oxşamaq bizə yaraşmaz. Verdiyi hədiyyəni geri götürən insan, qusuntusunu yeyən itə bənzəyir»[1].
Zeyd ibn Əsləm atasından rəvayət edir ki, o, Ömər ibn əl-Xəttabın (A.R.O.) belə dediyini eşitmişdir: «Allah yolunda döyüşə çıxan bir nəfərə at bağışladım. O isə ata çox pis baxırdı. Mən onun atı ucuz satacağını zənn edib,  atı ondan pulla almaq istədim. Bu haqda Peyğəmbərdən (S.A.V.) soruşdum və o dedi: Hətta o atı sənə bir dirhəmə də satsa, sən onu alma. Çünki hədiyyəsini geri götürən insan qusduğunu yeyən itə bənzəyir»[2].