Cümə namazına səhlənkar yanaşmaqdan çəkinin

İbn Ömər və Əbu Hureyrə deyirlər ki, biz Peyğəmbərin minbər üzərində belə dediyini eşitmişik: «Cümə namazlarını tərk edənlər bu işdən əl çəksinlər. Əks halda Allah onların qəlblərini möhürləyər və beləliklə qafillərdən olarlar»[1].
Abdullah deyir ki, Peyğəmbər (S.A.V.) cümə namazını qılmayan bir qrup insana belə demişdir: «İstəyirəm öz yerimə bir nəfəri imam təyin edim, sonra gedib cüməyə gəlməyən bəzi kişilərin evlərini yandırım»[2].
Əbul-Cəəd əd-Dumari Peyğəmbərin (S.A.V.) belə dediyini rəvayət edir: «Kim cüməyə səhlənkar yanaşaraq üç cüməni tərk edərsə, Allah onun qəlbini möhürləyər»[3].
Usamə ibn Zeyd Peyğəmbərin (S.A.V.) belə dediyini rəvayət edir: «Kim üzürsüz səbəbə üc cüməni tərk edərsə münafiqlərdən sayılar»[4].