Allahın adından "Səndən hərəkət məndən bərəkət" ifadəsini demək doğrudurmu?

Aleykum salam. Uca Allahın dediyi sözlər Quran ayələri və qüdsi hədislərdə bildirilmişdir. Bu ifadəyə həmin mənbələrdə rast gəlinmir, sadəcə insanların dilində gəzən atalar sözüdür. Ümumən isə bu ifadənin mənası doğrudur, çünki Uca Allah ona təvəkkül edərək çalışıb səy göstərənlərə bərəkət verir. O, belə buyurmuşdur:
"...Əgər möminsinizsə, Allaha təvəkkül edin!" (əl-Məidə, 23). 
"Məgər Allah Öz quluna kifayət etmirmi...?" (əz-Zumər, 36). 
"...(Yaxşı) əməl sahiblərinin mükafatı necə də gözəldir! O kəslərin ki, səbrli olmuş və yalnız öz Rəbbinə təvəkkül etmişlər. Neçə-neçə canlılar vardır ki, ruzisini (öz yanında) daşıya bilmir. Onların da, sizin də ruzinizi Allah verir...". (əl-Ənkəbut, 58-60).
Allah Rəsulu (salləllahu aleyhi və səlləm) demişdir: "Heç kim öz əlinin zəhməti və alnının təri ilə qazandığından daha xeyirli bir ruzi yeməmişdir. Davud peyğəmbər (Allahın ona salamı olsun) də öz əlinin əməyi, zəhməti ilə dolanırdı". (əl-Buxari, Buyu 15, Ənbiya 3). Həmçinin oxuyun: 
Allaha təvəkkül etmək nə deməkdir?
Ruzinin artması üçün nə etməliyik?
Evdə oturub "iş yoxdur" deyən qardaşlara nə məsləhət görərdiniz?