Peyğəmbərimiz və əhli beyti möhürlə namaz qılmayıb?

02.02.2014

Kimdən:

Aytən

Sual:

Salam aleykum. Mən bütün sualları və sizin verdiyiniz cavabları diqqətlə oxudum. Bir shey mene qaranliq qaldi. Men ozumde din baresinde oxuyub melumatlaniram. Amma bildiyime gore Peygemberimiz namazi mohurle qilib ve yaxud sehabeler yola chixdiqda bir ovuc torpaq gotururlermiş namaz qilmaq uchun. Yəni biz torpaqdan yaranmishiq torpagada qayidaciq. Peygemberimiz shie ehli olub ve shie ehli mohurle qilib qilmalidi. Allah razı olsun!

Cavab:

Aleykum salam. Xahiş edirik, dini səhih mənbələrdən öyrənin (Qurani Kərim və səhih hədislər). Peyğəmbərimizin (Allahın ona və ailəsinə salavatı və salamı olsun) dövründə məzhəblər olmayıb, həmçinin şiə məzhəbi. Ümumiyyətlə firqələrə bölünmək qadağandır. Uca Allah buyurur: "Hamılıqla Allahın ipinə (dininə, Qurana) möhkəm sarılın və (firqələrə bölünüb bir-birinizdən) ayrılmayın!" (Ali İmran, 103).
"(Allah tərəfindən) açıq-aydın dəlillər gəldikdən sonra, bir-birindən ayrılan və ixtilaf törədən şəxslər kimi olmayın! Onlar böyük bir əzaba düçar olacaqlar". (Ali İmran, 105).
Möhürlə namaz qılmağa aid isə Quranda və səhih mənbələrdə heç bir dəlil yoxdur. Namazı və digər əməllərimizi Peyğəmbərimiz (salləllahu aleyhi və səlləm) kimi etməliyik. Uca Allah buyurur: "(Ya Rəsulum!) De: "Əgər siz Allahı sevirsinizsə, mənim ardımca gəlin ki, Allah da sizi sevsin və günahlarınızı bağışlasın. Allah bağışlayandır, mərhəmətlidir!" (Ali İmran, 31).
Həmçinin oxuyun: Peyğəmbərimiz isti olanda başını möhürə qoyubmu?

Teqlər:

namaz

Paylaş: