Səbəbini bildirmədən evə gec gələn və içki içən kişi xanımından halallıq almalıdırmı?
Sual:
Ərim gecələr evə gəlmir iş adı ilə...həmin gecələr içir...demir harda olur ,demir hara gedir.həftələrnən gəlmir.Mən onun halal arvadı..onun ixtiyarı var mı məndən halallıq almadan gecə evə gəlməmək və içmək və olduğu yeri mənə deməmək?
Cavab:
Salam aleykum. Spirtli içkilər içmək haram olduğuna görə onun üçün kimdənsə halallıq almaq yox, həmin əməli tərk edib Uca Allaha tövbə etmək lazımdır. Siz də ona gözəl şəkildə izah etməyə çalışın ki, Allah spirtli içkiləri haram edib. Digər qeyd etdiyiniz hallarda isə müsəlman kişi ehtiyac olmadan evə gec gəlməməlidir, çünki zövcənin, uşaqların haqları kişinin məsul olduğu ailə vəzifələrindən biridir. Peyğəmbər (salləllahu aleyhi va səlləm) belə demişdir: "Hər biriniz himayəçisiniz və hər biriniz himayəsində olanlara cavabdehdir. Əmir himayədardır və o, öz rəiyyətinə cavabdehdir. Kişi öz ailəsinin hamisidir və o, öz himayəsində olanlara cavabdehdir. Qadın ərinin evinə nəzarət edəndir və o, öz nəzarətində olanlara cavabdehdir. Xidmətçi ağasının malına nəzarət edəndir və o, buna cavabdehdir. Hər biriniz himayəçisiniz və hər biriniz himayəsində olanlara cavabdehdir". (əl-Buxari, 893). Həmçinin, əgər kişinin evə gec gəlməsinə şəriətə müxalif olmayan zəruri səbəb varsa, bu zaman daha yaxşı olar ki, bu barədə qabaqcadan həyat yoldaşının nigaran qalmaması üçün onu xəbərdar etsin. Lakin zövcəsindən halallıq alması labüd deyil. Həmçinin oxuyun: