104. Müsafirin səhərə yaxın etdiyi dua
[Səmmə'a (səmmi'a) samiun bihəmdilləhi, və husni bəlaihi aleynə. Rabbənə sahibnə və afdıl aleynə aizən billəhi minən-nər]
«Üzərimizə olan gözəl sınağından dolayı Allaha etdiyimiz həmdi eşidən eşitdi [və ya eşitdirdi]. Oddan Allaha sığınaraq (deyirəm:) Ey Rəbbimiz! Bizə yoldaş ol və bizə mərhəmət et!»[1]
[1] Muslim, 4/2086. Hədisdəki «eşidən eşitdi», yəni «Allahın (bizə verdiyi) nemətlərinə və lütfünə görə Ona etdiyimiz həmdə şahid olan şahid oldu». «Eşidən eşitdirdi» sözünün mənası da odur ki, «Mənim bu sözlərimi eşidən, onları başqalarına çatdırdı və o da eyni ilə həmin sözləri dedi». Bu, səhər-səhər zikr və dua etməyə daha çox diqqət yetirmək üçündür. «Ey Rəbbimiz! Bizə yoldaş ol və bizə mərhəmət et!», yəni «bizi hifz et, bizi qoru, bizə nəzarət et, bol-bol nemətlərinlə bizə lütf et və xoşagəlməyən bütün şeyləri bizdən uzaqlaşdır!» ən-Nəvəvi, «Şərh Səhih Muslim», 17/39.