Nəhl surəsinin 63-cü ayəsində Allah nə üçün özünə and içir?

Salam aleykum. Uca Allah buyurur: "Allaha and olsun ki, səndən əvvəl də ümmətlərə elçilər göndərmişdik. Şeytan isə onların əməllərini özlərinə gözəl­ göstərmişdi. (Şeytan), bu gün də onların dostudur. Onlar üçün üzücü bir əzab vardır". (ən-Nəhl, 63). Qurani-Kərimdə Uca Allah bir neçə yerdə müxtəlif şəkildə Özünə and içir. Böyük təfsir alimlərindən olan əl-Qurtubi (Allah ona rəhm etsin) demişdir ki, hətta hikməti bilinməsə belə Uca Allah istədiyi şeyə and içir. ("əl-Camiu li-Əhkamil-Quran", 19/237). Uca Allah da etdiklərindən sorumlu deyil və o istədiyini edə və istədiyi şeyə and içə bilər. O, etdiklərinə görə sorumlu olan yox, əkisnə soruşan, haqq-hesab çəkəndir. Uca Allah buyurur: "Allah gördüyü işlər üçün məsuliyyət daşımaz; onlar isə daşıyacaqlar". (əl-Ənbiya, 23).