Qiyamətə qədər Cənnətə və ya Cəhənnəmə gedən olacaqmı?

Və aleykum Salam. Qiyamət gününə qədər Cənnətə və ya Cəhənnəmə heç kəs düşmür, lakin şəhidlərin ruhu cənnət quşlarının daxilindədir. Peyğəmbər (salləllahu aleyhi və səlləm) demişdir: "Şəhidlər Cənnət qapısının yanında olan "Bəriq" çayının üzə­rin­də yaşıl çadırdadırlar. Səhər-axşam onlara Cənnətdən ruziləri gətirilir". (İmam Əhməd, 2390). Peyğəmbər (salləllahu aleyhi və səlləm) buyurdu: "Qardaşlarınız Uhud döyüşündə şəhid olduqda, qüdrət və qüvvət sahibi olan Allah onların ruhlarını yaşıl quşların içinə yerləşdirdi. Onlar Cənnət çaylarının yanına gəlir, Cənnət mey­vələrindən yeyir və Ərşin kölgəsində yerləşdi­ril­miş qızıl çıraqla­rın yanına qayıdırlar. Yemək-içmək­lərinin və qayıtdıqları yerin nə qədər gözəl olduğunu gördükləri zaman de­yir­lər: "Kaş ki, qardaş­la­rımız Allahın bizə bəxş etdiyi bu nemətlərdən xəbər tutaydılar və Allah yo­lunda olan cihaddan qorxub qaçmayaydı­lar". Allah: "Mən sizin de­dik­lərinizi onlara bildirərəm!" - dedi və bu ayələri Öz elçisinə nazil etdi: "Allah yolunda öldürülənləri əsla ölmüş sanma. Əksinə, (onlar) diridirlər". (Ali-İmran, 169)". (Əbu Dəvud, 2158, 2520, 2522). Həmçinin, uzun bir hədisdə qəbir həyatında mömin üçün Cənnətdən, kafir üçün isə Cəhənnəmdən bir pəncərə açılacağı, gedəcəkləri yeri görəcəkləri bildirilmişdir. Daha ətraflı: Möminin və kafirin ölümü