Cənnətdə qadın və kişilər neçə yaşında olacaqlar?

    23.06.2017
Kimdən: 
ilqar
Sual: 
cennetde qadin ve kisi nece yasinda olacaq
Cavab: 

Salam aleykum. Peyğəmbərimiz (salləllahu aleyhi və səlləm) Cənnətə girənlərin 33 yaşında olacaqlarını bildirmişdir. Peyğəmbər (Allahın ona və ailəsinə salavatı və salamı olsun) belə demişdir: "Cənnət əhli bədən və üzləri tüksüz (saqqalsız), gözləri sürməli, otuz üç yaşında Cənnətə daxil olacaqlar". (ət-Tirmizi, 2545, 2742). Həsən əl-Bəsri (Allah ona rəhmət etsin) rəvayət edir ki, bir gün yaşlı bir qadın Peyğəmbərin (salləllahu aleyhi və səlləm) yanına gəlib dedi: "Ey Allahın Elçisi, Allaha dua et ki, məni cənnətlik etsin!" Peyğəmbər (salləllahu aleyhi və səlləm) dedi: "Ey Ummu filankəs, yaşlı qadın Cənnətə girməyəcək!" (Bunu eşidəndə) qadın ağlaya-ağlaya dönüb getdi. Peyğəmbər (salləllahu aleyhi və səlləm) dedi: "Bu qadına xəbər verin ki, o, yaşlı olduğu halda Cənnətə girməyəcək, çünki Uca Allah buyurur: "Biz Cənnətdəki qadınları yeni biçimdə yaradacağıq. Onları bakirə qızlar edəcəyik – ərlərini sevən, həmyaşıdlar". (əl-Vaqiə, 35-37)". (ət-Tirmizi, 122; Əxbər Əsbəhəni, 40605). Həmçinin oxuyun: Cənnətin vəsfi belədir

Teqlər: 
Paylaş: