Bəzən yalnız fərz namazlarını qılmaq doğrudurmu?
Və aleykum Salam. Bu vəsvəslərə fikir verməyin. Uca Allahın vacib buyurduğu namazlar, gündəlik beş vaxt fərz namazlarıdır. Nafilə namazlarını qılmamaq da günah deyil, sadəcə bu namazları qılmayan əlavə savablardan məhrum olur. Peyğəmbər (salləllahu aleyhi və səlləm) belə buyurmuşdur: "Qiyamət günü insanların əməllərindən ilk hesaba çəkilən namaz olacaqdır. Uca Rəbbimiz yaxşı bildiyi halda mələklərinə buyuracaq: "Qulumun fərz namazlarına baxın, onları tam, yoxsa naqis olaraq qılıb?" Əgər fərz namazları tam olarsa, onun üçün tam olaraq yazılacaq. Əgər onlardan bir şey əskik olarsa, Allah buyuracaq: "Baxın, qulumun nafilə namazları varmı?" Əgər onun nafilə namazları olarsa, Allah: "Qulumun fərz namazlarını nafilə namazları ilə tamamlayın!" - deyə buyuracaqdır. Sonra digər əməllər də bu cür hesaba çəkiləcək". (Əbu Davud, 864). Daha ətraflı: Yalnız fərz namazlarını qılmaq doğrudurmu?