Ya Sin surəsi 77 - 83 – cü ayələr

 
“Məgər insan onu nütfədən yaratdığımızı görmür? Budur, o indi açıq-aşkar mübahisə edir. O Bizə bir məsəl çəkdi, lakin yaradılışını unutdu. O dedi: “Çürümüş sümükləri kim dirildə bilər?” De: “Onları ilk dəfə yaradan Özü onları dirildəcəkdir. O, hər bir məxluquna yaxşı bələddir. O sizin üçün yaşıl ağacdan od əmələ gətirdi. Budur, siz indi ondan od yandırırsınız”. Göyləri və yeri yaradan onların eynisini yenidən xəlq etmək qüdrətinə malik olmazmı?! Şübhəsiz ki, O, Yaradandır, Biləndir. Bir şeyi yaratmaq istədikdə ona təkcə: “Ol!” deyər, o da olar. Əlində hər şeyin hökmü Olan Allah pak və müqəddəsdir. Siz ancaq Onun hüzuruna qaytarılacaqsınız”
 

 
Abdullah ibn Abbas (Allah ondan razı olsun) rəvayət edir ki, As ibn Vail düzənlikdən bir sümük gö­tü­rüb onu ovxalayıb xırda-xırda tikələr etdi və Allah Elçisinə - sallallahu aleyhi və səlləm - dedi: “Məgər Allah bu çürümüş sümüyü əvvəlki halına qaytara bilər?” Peyğəmbər - sallallahu aleyhi və səlləm - dedi: “Bəli, O səni öldürəcək, sonra dirildəcək və daha sonra Cəhənnəmə vasil edəcəkdir”. Uca Allah da Ya Sin surəsinin sonuncu aylərini nazil etdi”.
 
İbn Əbu Hatim “Təfsir” 18126; İbn Kəsir “Təfsir” 6/593. Şeyx Muqbil səhih olduğunu bildirmişdir.