Namaz qılarkən şalvarın balağını qatlamaq olarmı?
Və aleykumus-Sələm və Rahmətullah. Ümumiyyətlə istər namazda, istərsə də namazdan kənar müsəlmanın şalvarının ətəyi topuqdan aşağı düşməməlidir. Daha ətraflı: "Kişi topuqdan yuxarı geyinməlidir" hədisi varmı?
Namazda balağı qatlamağa gəlincə, bu bəyənilməyən bir əməldir. İbn Abbas (Allah ondan razı olsun) rəvayət edir ki, Peyğəmbər (Allahın ona və ailəsinə salavatı və salamı olsun) demişdir: "Mənə, paltarın ətəyini və saçı yığmadan yeddi əza – alın, əllər, dizlər və ayaq barmaqlarının ucları üzərinə səcdə etmək əmr edilmişdi". (Peyğəmbər alın deyəndə) burnuna da işarə etdi". (Səhih əl-Buxari, 812). Bu hədis dəlalət edir ki, namaz qılarkən qolları və şalvarın ətəyini qatlamaq bəyənilmir, lakin belə qılınan namaz səhihdir. Əbu Cuheyfə rəvayət edir ki, Peyğəmbər (salləllahu aleyhi və səlləm) qırmızı paltarda, ətəyi baldırının yarısına qədər qaldırılmış halda çadırdan çıxdı və camaata iki rükət namaz qıldırdı. (Səhih əl-Buxari, 376).