Quran və hədislərdə elmli adamlar dedikdə kimlər nəzərdə tutulur?

    18.06.2021
Kimdən: 
Ramin
Sual: 
Salam Aleykum 1Kişi saat taxa bilərmi? 2.Şalvarın ayağın namaz vaxtı qatlaya bilərəmmi topuqdan biraz yuxarıya? 3.hansı elmləri öyrənmək icazəlidir?Islam dinin elm adamlarına(alimlərə(məsələn riyaziyyatçı,fizik,bioloq,kimyaçı)) baxışı necədir?Dində təbiət və texniki elmləri öyrənmək günah sayılmır? Birdə Quranda elm adamları dedikdə kimlər nəzərdə tutulur(dindən başı çıxanlar yoxsa mənim qeyd etdiyim yuxarıdakı elm adamlarından?).Məhəmməd peyğəmbərin elm öyrənmək haqqında dediyi hədislər səhihdirmi?Elm haqqında hansı hədislər vardır?Birdə quranda elm haqqında hansı ayələr vardır.Xahiş edirəm bu sualları ətraflı cavablandırın.Allah sizdən razı olsun.Sizin sayənizdə xeyli şeylər öyrənmişəm.
Cavab: 
Və aleykum Salam.
1. Saat taxmaq icazəlidir.

2. Namaz qılmaq üçün şalvarın balağını və ya köynəyin qolunu qatlamaq bəyənilməyən əməllərdəndir. Peyğəmbər (Allahın ona salavatı və salamı olsun) demişdir: "Yed­di əza üzərinə səcdə etmək mənə əmr olundu, saçı (saçları hörməklə, yaxud başqa üsulla onları yığmaq) və libası çır­malamaq isə qadağan olundu". (əl-Buxari və Muslim). Həmçinin bu cavabları oxuyun: 

3. Quran və hədislərdə elm adamları dedikdə, əsasən din alimləri nəzərdə tutulur, lakin İslam dini dünyəvi elmləri öyrənməyə də təşviq edir. Bu elmləri öyrənən kəsin məqsədi insanlara, cəmiyyətə fayda vermək olarsa, buna görə savab qazanmış olar. Peyğəmbərin (Allahın ona salavatı və salamı olsun) dövründə müsəlmanlara oxuyub-yazmaq öyrədən düşmən əsirlər azad edilərək sərbəst buraxılırdı. Uca Allah buyurur:
"De: "Heç bilənlərlə bilməyənlər eyni ola bilərmi?!" (əz-Zumər, 39). Peyğəmbər (Allahın ona salavatı və salamı olsun) demişdir:  "Öləndən sonra insan üçün ən xeyirli olan bu üç şeydir; onun üçün dua edən əməlisaleh övlad qoyub getməsi, mükafatı kəsilməyən sədəqə və özündən sonra qoyub getdiyi faydalı elm". (Muslim, 1631).
Həmçinin bu cavabları oxuyun:

Teqlər: 
quran
Paylaş: