əl-Əraf suərsinin 40-cı ayəsinin təfsirini yaza bilərsinizmi?

    27.04.2014
Kimdən: 
İsa Rüfət
Sual: 
Salam aleykum. Cənabı Haqq əl Əraf suresinin 40-cı ayesinde buyurur: "Ayələrimizi yalan hesab edənlərə və onlara təkəbbürlə yanaşanlara göyün qapıları açılmaz (əməlləri, duaları qəbul olunmaz, ruhları göyə qalxmaz) və dəvə iynənin gözündən keçməyənə qədər onlar da Cənnətə daxil ola bilməzlər. Biz günahkarlara belə cəza veririk!" (əl Əraf, 40). İndi bu ayede menim en chox diqqetimi cheken nöqte burasidir ki, Cənabı Haqq onlarin ruhlarini semaya qalxmasina izin vermediyi teqdirde, o insanlarin ruhlari harada məskunlaşacaq. Geniş tefsir vererdiniz.
Cavab: 

Aleykum salam. Ayəni dəqiq tərcümə etsək orada Allah Təala belə deyir: "Onlar üçün səmanın qapısı açılmayacaq" bu ayənin təfsirində bir neçə görüş vardır. Onlardan bəzilərini qeyd edirik:
1) Bəzi təfsir alimlər demişlər ki, burada kafirlərin duası nəzərdə tutulur. Yəni dualar edildikdə səmanın qapıları açılmır, yəni qəbul olmur.
2) Bəzi təfsir alimlər demişlər ki, kafirlərin ruhları səmaya qalxdıqda, səmanın qapıları açılmayacaqdır. Bu barədə Möminin və kafirin ölümü məqaləsini oxuya bilərsiniz.
3) Bəzi təfsir alimlər demişlər ki, burda məqsəd onların əməllərinin qəbul olmamasıdır. Yəni kafirlərin əməlləri qalxacaq lakin qəbul olmayın yerə çırpılacaqdır.
4) Bəzi təfsir alimlər demişlər ki, "Onlar üçün səmanın qapısı açılmayacaq" yəni onlar cənnətə girə bilmiyəcəklər. Bəzi alimlər isə demişlər ki, onların üzərinə rəhmət qapıları açılmayacaqdır. Yəni kafirlərə rəhm olunmayacaqdır. Təfsir alimləri bu ayəni belə izah etmişlər.

Teqlər: 
quran
Paylaş: