"Allah və mələkləri peyğəmbərə salavat deyirlər..." ayəsinin izahı
Va aleykum Salam. Uca Allah buyurur: "Həqiqətən də, Allah və Onun mələkləri Peyğəmbərə salavat deyirlər (xeyir-dua verirlər). Ey iman gətirənlər! Siz də ona salavat deyib (xeyir-dua verib) kamil ədəb-ərkanla onu salamlayın" (əl-Əhzab, 56).
Təfsir alimləri bildirmişlər ki, Uca Allahın Peyğəmbərə (ona və ailəsinə Allahın salavatı və salamı olsun) salavat deməsi onu mələklər toplumunda tərifləməsidir. Mələklərin ona salavat deməsi isə onun üçün dua etməsidir, möminlərin ona salavat deməsi isə Peyğəmbərin (ona və ailəsinə Allahın salavatı və salamı olsun) öyrətdiyi kimi ona salavat demələridir. (Bax: Mucahidin təfsiri, 2/520). Böyük alimlərdən Əbul-Aliyə, İbn Qeyyim, İbn Həcər və başqaları da belə demişlər. əl-Buxari "Səhih" əsərində Əbul-Aliyənin belə dediyini rəvayət etmişdir: "Allahın Peyğəmbərə salavat deməsi, onu mələklər toplumunda tərifləməsidir, mələklərin salavat deməsi isə onun üçün dua etməsidir". (əl-Buxari, 4/1802). Həmçinin oxuyun: