Günahkar insanın ailəsinə edilən bəddua həyata keçə bilərmi?

    02.11.2022
Kimdən: 
Ülviyyə
Sual: 
Salam. Menim bir sualım var onu yazacam icazenizle. Birine na layiq bir sözüna göra bed dua ediblerse ailen bele olsun hele olsun deye. Bu adamın günahına göre ailesini bu bed dua tutarmı? Çünki bele bir hall qardaşımın başına gelib özü çox sehv düşünceli inamsız biridir. O bizim aileni neca deyarlar temsil etmir kime oxşayıb onuda bilmirem. Buna göre evde dava da düşüb lakın tutduğunu buraxmır.
Cavab: 

Va aleykum Salam. Uca Allahın ədalətindəndir ki, O, bir insanın etdiyi səhv əmələ görə, onun ailəsi olsa belə, digər günahsız insanları cəzalandırmır. Uca Allah buyurur: "Hər kəsin qazandığı gü­­nah yalnız öz əley­hinədir. Heç bir gü­nahkar baş­qasının güna­hını daşı­maz" (əl-Ənam, 164). Həmçinin buyurur: “Hər kəs qazandığının gi­rovudur” (ət-Tur, 21). Yəni hər kəs qazandığı günahın girovudur. Başqa bir ayədə buyurur: "Kim doğru yolla getsə, xeyri onun özünə olar, kim azğınlığa düşsə, ziyanı da onun öz əleyhinə olar. Heç bir günahkar başqasının günahını daşımaz...". (əl-İsra, 15).

Əbu Ramsə (Allah ondan razı olsun) nəql edir ki, bir dəfə oğlumla birlikdə Peyğəmbərimizin (salləllahu aleyhi və səlləm) yanına gəldim və Allah Rəsulu məndən: "Bu sənin oğlundur? – deyə soruşdu. Mən də: Bəli, Ey Allahın Rəsulu, mənim oğlumdur. Oğlum olduğuna da șəhadət edirəm, – deyə cavab verdim. Peyğəmbərimiz: " Bil ki, nə sən oğlunun etdiyi günaha görə qınanacaqsan, nə də oğlun sənin xətalarına görə qınanacaq" - dedi..." (Əbu Davud, 2/575; Musnəd İmam Əhməd, 2/226). Həmçinin oxuyun:

Teqlər: 
Paylaş: