Cənnətə düşən Cəhənnəmdə olan qohumunu görə biləcəkmi?

Va aleykum Salam. Uca Allahın istəyi ilə bu baş verə bilər, çünki Uca Allah Quranda Cənnətə düşmüş mömin bir bəndənin belə dediyin xatırladır: “Onlardan biri deyəcək: “Mənim bir tanışım var idi. O deyirdi: “Sən də ina­nanlar­dan­san? Məgər biz öldükdən, tor­pağa çev­rilib sür-sümük ol­duq­dan son­ra haqq-hesaba çəkilib cəzalandı­rıla­cağıq?!” O sözünə davam edib de­yə­cək: “Siz onun harada ol­du­ğunu gör­mək istəyirsi­niz­mi? O boylanıb tanışını Cə­hən­nə­min ortasında görəcək və deyəcək: “Allaha and olsun ki, sən məni də məhv edə­cək­din. Əgər Rəbbimin lütfü ol­masaydı, mən də Cəhənnəmə gə­ti­ri­lən­lər­dən olar­dım”. (əs-Saffat, 51-57). Bunun hikməti budur ki, Cənnət əhli Cəhənnəm əhlini görüb içində olduqları nemətə görə sevincləri artsın, Cəhənnəm əhlinin isə həsrəti artsın. Uca Allah başqa bir ayədə belə buyurur: "Cənnət əhli Od sakin­lə­rini səs­lə­yib deyəcəklər: “Biz Rəb­bi­mi­zin bizə vəd etdiyinin doğru olduğunu gördük. Siz də Rəb­bi­ni­zin sizə vəd etdiyinin doğru olduğunu gördünüz­mü?” Onlar: “Bə­li!”– deyə­cəklər. Bu zaman onların (hər iki dəstənin) ara­sında bir car­çı səs­lənib de­yə­cəkdir: “Alla­hın lə­nəti olsun zalımlara!" (əl-Əraf, 44).