Küfr əməllər edən şəxsi bundan çəkindirməyən özü kafir sayılırmı?

    03.01.2023
Sual: 
Salam, 1.bizim evdə yeni ildə anam şam ağacı, şaxta baba oyuncaqları qoyur, novruzda xonça qurulur bu dekorlarla bəzədilmiş süfrələrdə içdən bunları bayram saymayaraq oturan kafir olar mı? 2. Küfrə düşürəcək bir şey deyib, bir şey edəni görəndə ona xəbərdarlıq etməyən və ya gedə bildiyi halda onu tərk etməyən kafir olar mı? Çox xahiş edirəm suallara konkret şəkildə kafir olar ve ya olmaz deye cavab verib sonra ətraflı izah edəsiniz, təşəkkürlər
Cavab: 

Va aleykum Salam.

1) Yeni il keçirmək qadağandır və bu, özünü xaçpərəstlərə bənzətmək sayılır. Həmçinin yeni il qeyd olunan məclislərdə oturmaq da qadağandır və bu əməli edən qəlbən onlarla razı olmasa belə, zahirən onlara şərik olur və onların etdiyi əməllə razılaşmış olur. Lakin belə məclislərdə iştirak edən kafir olmur. Ətraflı oxuyun:


2) Küfr söz deyən və ya küfr əməl edən insanı gördükdə, qəlbən onunla razılaşmazsa, ona xəbərdarlıq etməsə belə, kafir olmur. Lakin imkan daxilində onu bu sözdən və ya əməldən çəkindirməlidir. Peyğəmbər (salləllahu aleyhi və səlləm) buyurur: "Sizdən biriniz pis bir işi görərsə, onu əli ilə dəyişsin, bacarmasa, dili ilə, bunu da bacarmasa, qəlbi ilə dəyişsin. Bu da ən zəif imandır". (Muslim, 1/413).  Əgər sizə qulaq asmasalar, onların etdiyi əmələ görə sizə günah yazılmır və bunun sizin inancınıza təsiri yoxdur. Uca Allah buyurur: "Allah hər kəsi yalnız onun qüv­vəsi çatdığı qədər mü­­kəlləf edər. Hər kəsin qa­zan­dığı xeyir yalnız onun özünə, qazandığı şər də, yalnız öz əley­hinədir" (əl-Bəqərə, 286). Həmçinin buyurur: "Hər kəsin qazandığı gü­­nah yalnız öz əley­hinədir" (əl-Ənam, 164). Həmçinin oxuyun:

İslama dəvət necə olmalıdır?

Teqlər: 
Paylaş: