Qadının digər qadınlar yanında övrəti hara sayılır?

Va aleykum Salam.

1) Əgər qeyd etdiyiniz salonda qadın öz övrət yerini özü təmizləyirsə və özündən başqa heç kəs ora daxil olmursa, bu halda qadın həmin gözəllik salonuna gedə bilər. Yəqin ki sualda bu hədisi nəzərdə tutursunuz: Peyğəmbər (Allahın ona salavatı və salamı olsun) demişdir: "Hər hansı bir qadın evindən başqa bir yerdə soyunarsa (hicabını çıxararsa), o, Allah ilə özü arasında olan sətri (pərdəni) cırmışdır". (Tirmizi, İbn Məcəh, Dərimi, Əhməd, Əbu Dəvud, "hamamlar" bölümü, hədis nömrə, 4009/4010). Bu hədisdə naməhrəmlərin görməsi ehtimal olunan yerlər qəsd olunur. Əgər bir yerə naməhrəmlərin daxil olma təhlükəsi yoxdursa, o yerlər istisnadır.

2) Qadın qollarını və qoltuq altını digər qadınların yanında aça bilər. Qadının digər qadınlar yanında övrəti göbəklə diz arasıdır. Bu yerləri hətta başqa qadınlar belə görə bilməz. Peyğəmbər (Allahın ona salavatı və salamı olsun) demişdir: "Bir kişi başqa bir kişinin övrətinə baxmasın, həmçinin bir qadın başqa bir qadının övrətinə baxmasın" (Muslim, 338).