İnsan çəkindiyi günah əməllərə görə savab qazanırmı?
Sual:
Salam. İnsan bu dünyada etmədiyi günahlara görə savab qazanırmı ? Məsələn, içki içmir, siqaret çəkmir, qumar oynamır, zina etmir, yalan danışmır və s. Bunlara görə savab qazanırmı ?
Cavab:
Və aleykum Salam. Sözsüz ki, insan bu dünyada Allahdan qorxduğu üçün, yəni Uca Allah haram etdiyi üçün tərk etdiyi hər bir günah əmələ görə savab qazanır. Niyyət əməllərə görə savab qazanmaqda əsas rol oynayır. Uca Allah buyurur: "Rəbbinin hüzurunda durmaqdan qorxanları iki cənnət gözləyir" (ər-Rəhman, 46). Həmçinin buyurur: "Həqiqətən, öz Rəbbindən Onu görmədikləri halda qorxanlar üçün bağışlanma və böyük bir mükafat var" (əl-Mulk, 12). Başqa bir ayədə buyurur: "Ancaq kim Rəbbinin hüzuruna gələcəyindən qorxmuş və nəfsinə ehtirası yasaq etmişsə, həqiqətən, onun gedəcəyi yer Cənnətdir" (ən-Naziat, 40-41). Həmçinin oxuyun: