Ateist və ya kafir bir insan etdiyi yaxşı əməllərə görə savab qazanırmı?

Və aleykum Salam. 

1) İnsanın etdiyi xeyir əməllərə görə ona savab yazılması üçün onun mömin olması əsas şərtdir. Uca Allah bir çox ayələrdə əməlin qəbul olması və bu əmələ görə savab yazılması üçün insanın mömin olmasını şərt olaraq bildirmişdir. Uca Allah buyurur: "Həm kişilərdən, həm də qadınlardan mömin olaraq yaxşı işlər görənlər Cənnətə girərlər və onlara xurma çəyirdəyindəki oyuq qədər haqsızlıq edilməz" (ən-Nisa, 124); "Kim də Axirəti istəsə, mö­min ola­raq bütün qəlbi ilə ona can at­sa, onların səyi məm­nuniyyətlə qəbul olunar" (əl-İsra, 19). "Mömin olub yaxşı işlər görən şəxslər isə nə haqsızlığa mə­ruz qalmaqdan, nə də savabının əksilməsindən qorx­arlar" (Ta ha, 112).

Bütün bu ayələrdə bildirilir ki, bir insanın etdiyi əmələ görə savab qazanması üçün bu əməli mömin olaraq etməlidir. Kafirin etdiyi savab əməllər isə Qiyamət günü puç olacaq. Uca Allah bu xüsusda buyurur: "De: “Sizə əməlləri ba­xı­mından ən çox ziyana uğra­yan­lar ba­rə­sində xəbər verimmi? O kəslər ki, on­ların dünya həyatındakı səy­ləri bo­şa çıx­mış­dır. Çünki on­lar özlü­yündə yaxşı işlər gör­dükləri gü­ma­nında idilər. Onlar Rəbbinin ayələ­rini və Onun­la qarşılaşacaqla­rını in­kar edən, buna görə də bütün əməlləri boşa çıxan kim­sələrdir. Odur ki, Qiyamət gü­nü Biz onlara əhə­miyyət ver­mə­yəcəyik”. (əl-Kəhf, 103-105). 

2) Bu cavabı oxuyun:

İmanı artırmaq üçün nə etmək lazımdır?

3) Bu cavabları oxuyun:

Tövbə etsəm, Allah məni bağışlayarmı?
Tövbəni necə etmək lazımdır?