Övladın valideyinə itaətində istisnalar varmı?
Sual:
ƏsSələmu Aleykum. Mən bilmək istəyirdimki, övladın valideyinə itaətində istisnalar varmı? Məsələn məni istəmədiyim bir yerə məcbur aparmaq istədikdə əgər mən ora getmək istəmirəmsə, mən günah qazanmış olurammı? Yəni mən onlara özümlə bağlı olan məsələlərdədəmi itaət etməliyəm? Yoxsa sadəcə onların özləri ilə bağlı olan və zəruri ehtiyacları olan məsələlərdə onlara itaət etməliyəm? Bildiyim qədərilə İbn Teymiyyə deyirki, valideyin necə övladına istəmədiyi yeməyi yedizdirə bilməzsə, eynilə qızını istəmədiyi şəxsə verə bilməz. Yəni bu kimi məsələlərdə valideynin övlad üzərində haqqı yoxdu.
Cavab:
Və aleykum Salam. Övladın Allaha asilik olmayan məsələrədə, habelə, övlada və ya valideynə zərər verməyən məsələrdə, onu yerinə yetirmək övlad üçün çətinlik yaratsa belə, valideynlərinə itaət etməsi vacibdir. İbn Teymiyyə bu xüsusda belə demişdir: "İnsanın valideynlərinə günah olmayan işlərdə itaət etməsi vacibdir, hətta valideynlər günahkar olsalar belə. Bu, İmam Əhmədin rəyidir. Bu, valideynlər üçün fayda olan, onlara zərər verməyən hallara aiddir. Əgər itaət övlada çətinlik yaradırsa, lakin zərər vermirsə, o zaman bu itaət vacib olur". Həmçinin oxuyun:
Valideyn övladına zərərli şeyləri yeməyi əmr edirsə, ona itaət etmək vacibdirmi?