Ailədə qadın kişiyə qadağalar qoya bilərmi?
Əssələmu aleykum. Ailə başçısı kişi olduğu üçün kişi qadına qadağa qoya bilər. Uca Allah buyurur: "Kişilərin qadınlar üzərində şəriətə müvafiq haqları olduğu kimi onların da kişilər üzərində haqları vardır. Kişilərin onlar üzərində olan haqları isə bir dərəcə üstündür. Allah Qüdrətlidir, Müdrikdir". (əl-Bəqərə, 228). Ayədə "Kişilərin onlar üzərində olan haqları isə bir dərəcə üstündür" deyildikdə kişilərin evdə söz sahibi olmaları və qadınların onlara itaət etmələrinin vacib olduğu nəzərdə tutulur. Peyğəmbər (Allahın ona və ailəsinə salavatı və salamı olsun) belə demişdir: "Əgər Allahdan qeyrisinə səcdə etmək icazəli olsaydı, qadına ərinə səcdə etməsini əmr edərdim". (İbn Məcə, 2/1852).
Qadın isə kişiyə qadağa qoymağa haqqı çatmır. Lakin evlənərkən müəyyən şeyləri şərt olaraq kişiyə qoya bilər. Peyğəmbərimiz (ona və ailəsinə Allahın salavatı və salamı olsun) evlənərkən qoyulan şərtləri yerinə yetirməyin vacib olduğunu xüsusilə qeyd edərək demişdir: "Şərtlər arasında yerinə yetirilməyə ən əhəmiyyətlisi, nigah zamanı qoyulan şərtdir, çünki bununla cütlüklər (namusları) bir-birilərinə halal olur". (əl-Buxari, 2721-2572; Muslim, 1418). Həmçinin oxuyun: