Cənnətdə qadınlar öz ərlərindən başqa kişilərə meyil edəcəklərmi?

    14.04.2025
Kimdən: 
.
Sual: 
Salam Alekum Ramazan bayramınız mübarək olsun Allah tutulan orucları qəbul etsin tutmayanları əfv etsin və tutmağı nəsib etsin. Mənim sualım bu idi ki kişinin evli olub olmadığından asılı olmayaraq əgər ki cənnətə düşsələr öz qadını olsada ona huri veriləcəkdir bəs qadın üçündə bu keçərlidir? Əri olduğu halda ona da kişi verilsin? Çünki bu bir az pis görsənir bir qadının öz ərindən başqasıda olsun xaiş edirəm sualıma uzun dəqiq cavab verərsiniz yəni verilsə belə qulluqçu kimi veriləcək yoxsa normal bir ər yoldaş kimimi veriləcək? Çox sağolun Allah razı olsun
Cavab: 

Və aleykum Salam. Evli qadın boşanmamışsa, Cənnətdə öz həyat yoldaşı ilə birlikdə olacaq. Əgər dünyada ikən boşanmışsa və heç evlənməmişsə bu qadınlar Cənnətdə istədikləri kişi ilə evləndiriləcəklər. Cənnətdə kişilərin birdən çox zövcələri və huriləri olacaq, lakin qadınlar yalnız öz ərləri ilə kifayətlənəcəklər və onlardan başqalarını istəməyəcəklər. Uca Allah Cənnət qadınlarını üç ayədə tərifləyərək onların ərlərindən başqaların istməyəcəklərini və baxışlarını yalnız ərlərinə yönəldəcəklərini bildirir:

  1. “Orada gözlərini öz ərlə­ri­nə dik­miş, onlardan əvvəl öz­lərinə heç bir insan və cin to­xunmamış qızlar vardır” (ər-Rahmən, 56).
  2. “Onların yanında baxış­ları öz ərlə­ri­nə dikilmiş iri qara­ gözlü hu­rilər ola­caq” (əs-Saffat, 48).
  3. “Onların yanında gözlə­ri­ni ərin­dən çəkməyən həmya­şıd­ları ola­caq” (Sad, 52).

Təfsir alimləri bu ayələri təfsir edərək bildirmişlər ki, bu qadınlar yalnız öz ərlərinə baxar, başqa heç bir kişiyə meyl etməzlər, onlardan başqa heç kimi istəməzlər və Cənnətdə ərlərindən daha gözəl birini görməzlər. Hətta rəvayət edilir ki, onlardan biri öz ərinə belə deyər: “Allaha and olsun, mən cənnətdə səndən daha gözəl bir şeyi görmürəm. Cənnətdə səndən daha çox sevdiyim bir şey yoxdur. Həmd olsun Allaha ki, səni mənim üçün yaratdı və məni də sənə nəsib etdi”.

Teqlər: 
axirət
Paylaş: