Əri tərəfindən zülm və haqsızlıq olan mühitdə yaşamağa məcbur edilən qadının çıxış yolu nədir?

    03.01.2026
Kimdən: 
Nurane
Sual: 
Salam Aleykum ailem dagilir sebebi yoldasimdi mulke gore ailesi dahildr Yoldasimin yasli evlrnmemis xalasi var ata evinde qalir bz teze aile qiranda bizr ora gonderdiler ki yasayin 3il yasadiq axir vaxt qadin bizi deyir gedin evden sze ev veren deyilem yoldasimda el cekmir evden eve gore yuvasi dagildir ailesi saymir deyirem el cek oz heyatimizi yasayaq getmir deyir ora gedek yasayaq orda mulkde ev tikim arvadda qarqislayir dava edir qoymur men ne edim bilmirem bezmisem yoldasim eve gore ailsini satir bize deyer vermir gunahi mende gorur mulk gozu kor edir qelbi qirir bosanmaq isdeyirem ama ovladim var mene hec ne lazm deyil sen menim yanda ol besdi 1 daxma yasayaq basa dusmur men ne edm
Cavab: 

Və aleykum Salam. Uca Allah sizi tezliklə bu çətinlikdən rahatlığa çıxarsın!

Şəriətə görə ər öz həyat yoldaşını rahat və təhlükəsiz evlə təmin etməyə borcludur. Əgər ərinizin ailə üzvləri sizə bu evdə yaşamağa mane olurlarsa, bu halda əriniz sizi rahat yaşaya biləcəyiniz evlə təmin etməlidir. İslamda ailəni qorumaq mal-mülkdın daha önəmlidir. Çalışın bunu həyat yoldaşınıza başa salasınız. Mal-mülk üstündə fitnə çıxarmaq, ailə dağıtmaq böyük günahdır. Peyğəmbər ﷺ buyurur: "Sizin ən xeyirliniz ailəsinə ən xeyirli olanınızdır". (ət-Tirmizi (4/367), İbn Məca, 1977). Əgər əriniz mal-mülk üçün sizi əziyyətə salırsa, ailəsinin haqsızlığına susursa, sizin qəlbinizi qırıb başqasını razı salmağa çalışırsa, sözsüz ki, bu doğru deyil. Əgər məsələ boşanmaya qədər gəlib çatıbsa, o zaman məsələni həll etmək üçün vasitəçilərə müraciət edin. Uca Allah buyurur: "Əgər ər-arvad arasında ixtilaf olacağından qorxsanız, onda kişinin ailəsindən bir hakim və qadının ailəsindən bir hakim göndərin. Əgər bunlar islah etmək istəsələr, Allah da onları barışdırar. Həqiqətən, Allah Biləndir, hər şeydən Xəbərdardır". (ən-Nisa, 35). İbn Kəsir bu ayənin təfsirində deyir: "Fiqh alimləri demişlər: "Ər-arvadın arasında ixtilaf düşdükdə hakim onların hər ikisinin vəziyyətlərini görüb müşahidə etməsi və haqsızlıq edənin haqsızlığına mane olması üçün etibarlı bir şəxsin yanında məskunlaşdırır. Əgər münasibətləri gərginləşərsə və mübahisələri uzanarsa, o zaman hakim həm qadının ailəsindən, həm də kişinin ailəsindən etibarlı bir adam göndərir. Bu iki etibarlı şəxs bir araya gələrək ər-arvadın halını müzakirə etdikdən sonra hər ikisi üçün faydalı olan qərarı verərlər, ya onları ayırarlar, ya da barışdırarlar. Lakin Uca Allah bu vəziyyətdə barışmağı daha uyğun hesab edərək "Əgər bunlar islah etmək istəsələr, Allah da onları barışdırar" buyurur". Həmçinin oxuyun:

Teqlər: 
ailə
Paylaş: